ამერიკის შეერთებულ შტატებს ხმელთაშუა ზღვის აღმოსავლეთით ხომალდები გადაჰყავს. ამის შესახებ BBC წერს.

გამოცემის ინფორმაციით, აშშ-ის თავდაცვის მდივანმა ლოიდ ოსტინმა განმარტა, რომ ხომალდებს შორის არის ავიამზიდი. ახლო აღმოსავლეთში კი დამატებული ამერიკული ძალები იქნება დისლოცირებული. „აშშ ინარჩუნებს ძალებს მსოფლიოში, რათა საჭიროების შემთხვევაში კიდევ უფრო გააძლიეროს ეს შემაკავებელი პოზიცია", - აღნიშნა ოსტინმა. ამასთან, ისრაელი ამერიკისგან დამატებით შეიარაღებას უახლოეს დღეებში მიიღებს. ოსტინის თქმით, ეს შეერთებული შტატების მიერ ისრაელის თავდაცვის ძალებისა და ხალხის მტკიცე მხარდაჭერის ნიშანია.