უკრაინის სახელმწიფო სასამართლო ადმინისტრაციის თავმჯდომარე ოლექსი სალნიკოვი კორუფციაში ბრალდების გამო 24 სექტემბრამდე თანამდებობას ჩამოაშორეს. სპეციალიზებული ანტიკორუფციული პროკურატურის ინფორმაციით, ასეთი გადაწყვეტილება უკრაინის უმაღლესმა ანტიკორუფციულმა სასამართლომ მიიღო.

უწყების განცხადებით, 2023 წლის მარტში სალნიკოვმა ფიზიკური პირისგან მიიღო 7,5 ათასი დოლარი, რისი ნაწილიც მას თავისთვის უნდა დაეტოვებინა, 5000 დოლარი კი უნდა გადაეცა უზენაესი სასამართლოს მოსამართლეებისთვის, რომლებსაც კომერციული საწარმოს სასარგებლოდ გადაწყვეტილება უნდა მიეღოთ.

სალნიკოვს ბრალი 26 ივლისს წარუდგინეს, 28 ივლისს კი უმაღლესმა ანტიკორუფციულმა სასამართლომ მას აღკვეთის ღონისძიების სახით ელექტრონული სამაჯურის ტარება და 805 200 გრივნის ოდენობის გირაო დააკისრა.