სიონის ტბაში 15 წლის მოზარდს ეძებენ. ამის შესახებ "რუსთავი 2"-ს ინფორმაცია თვითმხილველმა მიაწოდა.

ადგილზე მობილიზებულია პოლიცია და სასწრაფო სამედიცინო დახმარების სამსახური.

როგორც თვითმხილველმა განაცხადა, მოზარდი ტბის საშიშ ზონაში მოხვდა და ჩავარდა. მოქალაქეები დახმარებას ცდილობდნენ, თუმცა მისი ამოყვანა ვერ მოახერხეს.

თვითმხილველის ინფორმაციით, ინციდენტი 18:05 საათზე მოხდა.

მომხდარს პარტია „ლელოს“ წევრი, ნიკა ჩერქეზიშვილი შეესწრო.

„15 წლის ბიჭი დაიხრჩო სიონის ტბაზე.

შემთხვევიდან დაახლოებით 20-25 წუთში მოვიდა პოლიცია და სასწრაფო დახმარება.

უფრო მეტს თბილისიდან ელოდებიან ახლა, თიანეთში მეტი არაფერი შეუძლია სამაშველოს.

ადგილზე, სადაც უამრავი ადამიანია, მაშველები არ ჰყავთ!

ჩვენგან დაახლოებით 300 მეტრში დატრიალდა ტრაგედია, გავიქეცით, მაგრამ ვერ მივუსწარით..." - დაწერა ჩერქეზიშვილმა.