გარემოს ეროვნული სააგენტოს ინფორმაციით, 15 ივლისამდე საქართველოში მოსალოდნელია თბილი და უნალექო ამინდი.

მათივე ცნობით, 15-17 ივლისს დროგამოშვებით იწვიმებს. ჰაერის ტემპერატურა +32, +34 გრადუსამდე მოიმატებს.

როგორც გარემოს ეროვნულ სააგენტოში განმარტავენ, დასავლეთ საქართველოში 16-17 ივლისს ტემპერატურა სამი-ოთხი გრადუსით დაიკლებს.

„თბილისში 13-14 ივლისს უნალექო ამინდი იქნება, დანარჩენ დღეებში კი, დღის მეორე ნახევარში მოსალოდნელია ხანმოკლე წვიმა ელჭექით. ჰაერის ტემპერატურა დღის საათებში +32, +34 გრადუსი დაფიქსირდება", - აცხადებენ გარემოს ეროვნულ სააგენტოში.