დღეს, 26 აპრილს ბორჯომში, მდინარე მტკვარში 65 წლის ქალი გადავარდა. მისი გადარჩენა მაშველებმა შეძლეს. დაშავებული სასწრაფო სამედიცინო დახმარების ჯგუფმა „ჯეო ჰოსპიტალსის" სამედიცინო ცენტრში გადაიყვანა. ექიმების განმარტებით, მისი მდგომარეობა სტაბილურად მძიმეა.

„მძიმე პაციენტია, თუმცა სტაბილური. გონებაზეა და ექიმის დავალებებს ასრულებს. სასიცოცხლო მაჩვენებლებიდან არტერიული წნევა იყო მაღალი და დაექვემდებარა მედიკამენტებს",- ამბობს „სამხრეთის კარიბჭესთან" კლინიკის ხელმძღვანელი. დავით ბარაბაძე.

ადგილობრივების თქმით, ქალი წყალში ახალი უბნის დასახლებასთან (ფაფა) ჩავარდა. მაშველებმა მისი ამოყვანა რამდენიმე კილომეტრის მოშორებით, სოფელ ყვიბისთან შეძლეს.

რომელი მუხლით დაიწყო გამოძიება ამ ეტაპზე უცნობია.

sknews.ge