თურქეთის, პროვინცია ჰათაიში დღეს საღამოს მომხდარ მიწისძვრებს ნგრევა მოჰყვა. ადგილობრივი ხელისუფლების ინფორმაციით, ნანგრევებში ადამიანებია მოყოლილი.

თურქული მედიის ცნობით, ამ საღამოს 6,4 მაგნიტუდის სიმძლავრის მიწისქვეშა ბიძგები ჰათაის პროვინციაში ადგილობრივი დროით 20:04 საათზე დაფიქსირდა. ეპიცენტრი დეფნეს მუნიციპალიტეტში იყო. სამი წუთის ინტერვალით ამავე პროვინციაში 5,8 მაგნიტუდის სიმძლავრის მიწისძვრა მოხდა, რომლის ეპიცენტრი სამანდაგის რაიონში მდებარეობდა.

შეგახსენებთ, რომ 6 თებერვალს სირიასა და თურქეთში მომხდარმა მიწისძვრებმა 45 ათასზე მეტი ადამიანი იმსხვერპლა.