ამერიკელი სენატორების ვიზიტი კიდევ ერთხელ მოწმობს ქართულ-ამერიკული ურთიერთობების ძალიან საინტერესო ხარისხს,- ამის შესახებ ანალიტიკური ორგანიზაცია „ჯეოქეისის“ თავმჯდომარემ, ვიქტორ ყიფიანმა ისაუბრა.

„ამერიკელი სენატორების ვიზიტი არის მაღალი რანგის ვიზიტი, რომელიც კიდევ ერთხელ მოწმობს ქართულ-ამერიკული ურთიერთობების ძალიან საინტერესო ხარისხს. მე წარმოვადგენ ერთ-ერთ ქართულ ანალიტიკურ ცენტრს და მიწვეული ვიყავით ამერიკის საელჩოს მხრიდან. ჩვენთვის ეს ძალიან დიდი პატივი იყო, კიდევ ერთხელ გაგვეცვალა აზრი ჩვენს ურთიერთობებზე და გვესურვებინა მათთვის წარმატებული ვიზიტი“, - აღნიშნა ყიფიანმა.

ამერიკელი სენატორები ოფიციალურ შეხვედრებს იწყებენ. ჯინ შაჰინი და დიკ დურბინი პრეზიდენტს, პრემიერ-მინისტრსა და მესამე სექტორის წარმომადგენლებს შეხვდებიან. დღის ბოლოს კი ვიზიტს სენატორები პრესკონფერენციაზე შეაჯამებენ.