პარტია „ხალხისთვის“ ლიდერი, ანა დოლიძე ბოლო დღეებში ადამიანთა გაფიცვის ფაქტებს გამოეხმაურა. როგორც ანა დოლიძემ აღნიშნა, ეს არის მოქალაქეების მცდელობა, გაუმკლავდნენ ფასების ზრდით გამოწვეულ სირთულეებს. იგი ხელისუფლებას მოუწოდა მიიღოს ზომები ფასების ზრდასთან დაკავშირებით.
„უკვე მერამდენე გაფიცვა მოხდა საქართველოში, პროფესია პროფესიაზე იფიცება და ითხოვს ანაზღაურების გაზრდას. ეს არის მოქალაქეების მცდელობა, გაუმკლავდნენ იმ რთულ ვითარებას, რომელიც ფასების ზრდამ გამოიწვია. ჩვენ გვჭირდება ხელისუფლების აქტიური ქმედება სიძვირესთან დაკავშირებით. თუ მსოფლიოს მდიდარი ქვეყნები დგამენ ნაბიჯებს ინფლაციასთან მიმართებით, მით უფრო აქვს ჩვენს ხელისუფლებას პასუხისმგებლობა, რომ მიიღოს ზომები ფასების ზრდასთან დაკავშირებით.
თუ ხელისუფლება არ მიმართავს ზომებს ფასების ზრდასთან დაკავშირებით, ჩვენ წინაშე იქნება სოციალური კრიზისი, რომელსაც სამოქალაქო ჯგუფები თავად გაუმკლავდებიან. ეს არის ბევრად უფრო სასურველი შედეგი, ვიდრე შედეგი, რომელსაც მთავრობის აქტიური ქმედებით მივიღებთ“, - განაცხადა ანა დოლიძემ.