ქუთაისი-სამტრედიის გზაზე რამდენიმეკილომეტრიანი საცობია - მიზეზი უამინდობაა. მოყინულ გზაზე რამდენიმე სატვირთო მანქანა შეეჯახა ერთმანეთს.

საქართველოს ტერიტორიის დიდ ნაწილზე დღეს უამინდობაა, რის გამოც გზებზე გარკვეული შეზღუდვა მოქმედებს. საავტომობილო გზების დეპარტამენტის ინფორმაციით, ამ დროისთვის, ჩატარებული გაწმენდითი სამუშაოების შედეგად, საერთაშორისო მნიშვნელობის მცხეთა-სტეფანწმინდა-ლარსის საავტომობილო გზის გუდაური(ფოსტა)-კობის მონაკვეთზე მისაბმელიანი და ნახევრადმისაბმელიანი ავტოტრანსპორტის მოძრაობა აღდგენილია.

გარემოს ეროვნული სააგენტოს ცნობით, მლეთა-გუდაურის და გუდაური(ფოსტა)-კობის მონაკვეთებზე ავტოტრანსპორტის მოძრაობა განხორციელდება გაუჩერებლად გავლის რეჟიმში. გუდაური(ფოსტა)-კობის მონაკვეთზე მხოლოდ ზვავდამცავი გვირაბების გავლით.

მისაბმელიანი, ნახევრადმისაბმელიანი ავტოტრანსპორტის და 30 ადგილზე მეტი ტევადობის ავტობუსების მოძრაობა გვირაბებში განხორციელდება ცალმხრივად.