რამდენიმე ათეული მოქალაქე უკვე გავიყვანეთ ზონიდან, ბევრი საქართველოში გაემგზავრა, ბევრი თურქეთის დიდ ქალაქებში დოკუმენტები აქვთ დაკარგული და სჭირდებათ მათი აღდგენა, ზოგი კი რჩება ზონაში იმიტომ, რომ არ მიატოვეს თავიანთი დამსაქმებლები. ეს ძალიან ჰუმანური ნაბიჯია ,- ამის შესახებ თურქეთში საქართველოს ელჩმა გიორგი ჯანჯღავამ განაცხადა.
მისივე თქმით, საელჩო საქართველოს მოქალაქეებთან კონტაქტზეა.
„მოგეხსენებათ, რომ საქართველოს რამდენიმე ათეული მოქალაქე უკვე გავიყვანეთ ზონიდან, ბევრი საქართველოში გაემგზავრა, ბევრი ანკარაში, ტრაბზონში, სტამბულში ვინაიდან დოკუმენტები აქვთ დაკარგული და სჭირდებათ მათი აღდგენა. ბევრი რჩება ზონაში იმიტომ, რომ მუშაობენ ოჯახში და არ მიატოვეს თავიანთი დამსაქმებლები, ეს ძალიან ჰუმანური ნაბიჯია. თუ ვინმე შემოგვეხმიანება და გასაყვანი იქნება ტერიტორიიდან, რა თქმა უნდა, დიდი სიამოვნებით გავიყვანთ მათ აქედან. უკვე არის მესიჯები, პატარ-პატარა ქალაქებში არის საქართველოს რამდენიმე მოქალაქე და ან ჩვენ გავიყვანთ მათ, ან თურქებს ვთხოვთ გაიყვანონ უსაფრთხო ზონებში", - განაცხადა ჯანჯღავამ.