ნეაპოლში ქართველი ახალგაზრდა ქურდობის ბრალდებით დააკავეს. ამის შესახებ ადგილობრივი მედია წერს.
მათივე ცნობით, ახალგაზრდა კაცი ნეაპოლში, ჩიმილიარკოს ქუჩაზე მდებარე ელექტროტექნიკის მაღაზიიდან თმის ფენის და მტვერსასრუტის მოპარვას ცდილობდა, რაც ჯამში 1500 ევროს შეადგენდა.
როგორც გაირკვა, ახალგაზრდა ნივთებს ზურგჩანთასა და ქურთუკში მალავდა.
მაღაზიის თანამშრომელი მომხმარებლის ჩანთის და სხეულის მოცულობამ დააეჭვა, რომელსაც თან სავაჭრო კალათა არ ჰქონდა. შესაბამის უწყებაში დარეკვის შემდეგ ადგილზე პოლიცია მივიდა და ახალგაზრდა კაცი დააკავეს.
სავარაუდო ქურდი პოლიციის განყოფილებაში გადაიყვანეს.
33 წლის ქართველს, ოთარ ჯ-ს მოუწევს, პასუხი აგოს დამამძიმებელ გარემოებაში ჩადენილი ქურდობისათვის.