რამდენიმესაათიანი უწყვეტი თოვის გამო, დღეს თელავში მუნიციპალურ ტრანსპორტს მუშაობა არ განუახლებია. ამის შესახებ თელავის სატრანსპორტო კომპანიის ხელმძღვანელმა განაცხადა.

თელავის მერის, ლევან ანდრიაშვილის ინფორმაციით, გზების დიდი ნაწილი გაწმენდილია და სამუშაოები გრძელდება.მიმდინარეობს ტექნიკური მარილის დაყრაც.მისივე თქმით, უამინდობამ პრობლემა მხოლოდ მუნიციპალურ ტრანსპორტთან დაკავშირებით შექმნა.

შეგახსენებთ, დიდთოვლობის გამო, გარკვეული შეზღუდვა დაწესდა ვაზიანი-გომბორი-თელავის საავტომობილო გზის ნაწილის ცალკეულ მონაკვეთზეც.