საქართველოს მესამე პრეზიდენტი დღევანდელი სხდომას ჯანმრთელობის მდგომარეობის გამო არ დაესწრება. ის ცოტა ხნის წინ დედამ, გიული ალასანიამ მოინახულა.
"ვივა მედის" დირექტორი, ზურაბ ჩხაიძე ამბობს, რომ სხდომაზე დასწრება პაციენტისთვის ზედმეტი ფიზიკური და ფსიქო-ემოციური დატვირთვაა.
"სასამართლოზე დასწრებას ვერ შეძლებს პაციენტი, იმიტომ რომ მისი ჯანმრთელობის მდგომარეობიდან გამომდინარე. რა თქმა უნდა, ეს არის ზედმეტი ფიზიკური დატვირთვა მისთვის, ფსიქო-ემოციური დატვირთვა და გარდა ამისა, ჩვენი სტაციონარიდან პაციენტის გაშვება სასამართლოში არ ხდება, არ ყოფილა მსგავსი პრეცედენტი და ვერც გაკეთდება", - თქვა ზურაბ ჩხაიძემ.
საქალაქო სასამართლოში დღევანდელ პროცესზე მიხეილ სააკაშვილისთვის სასჯელის გადავადებაზე უნდა იმსჯელონ. სხდომაზე სავარაუდოდ რამდენიმე მოწმე გამოიკითხება. დაცვის მხარე დააყენებს შუამდგომლობას, რომ პროცესები ყოველდღიურ რეჟიმში ჩატარდეს.