ემერიტუსი პაპი, ბენედიქტე მე-16 95 წლის ასაკში გარდაიცვალა. ყოფილი პაპი ვატიკანის რეზიდენციაში გარდაიცვალა. შესაბამის ინფორმაციას წმინდა საყდარი ავრცელებს.

ბოლო დღეები ბენედიქტე მე-16-ს ჯანმრთელობის მდგომარეობა მკვეთრად გაუარესებული იყო. ოთხშაბათს ქადაგების დროს რომის პაპმა ფრანცისკემ მრევლს ემერიტუსი პაპისთვის ლოცვისკენ მოუწოდა, რომელიც, მისი თქმით, ძლიერ ავად იყო.

ბენედიქტე მე-16 კათოლიკური ეკლესიის წინამძღოლი 2005 წლიდან იყო. 2013 წელს ის პირველი რომის პაპი გახდა 600 წლის განმავლობაში, რომელმაც პოსტი დატოვა. მან სიცოცხლის ბოლო წლები ვატიკანის ერთ-ერთ მონასტერში გაატარა.