პარლამენტის ადამიანის უფლებათა დაცვის კომიტეტის თავმჯდომარე მიხეილ სარჯველაძე აცხადებს, რომ პრეზიდენტ სალომე ზურაბიშვილის სწორად შერჩეულ პოზიციას, რომელიც მანამდე ჰქონდა სააკაშვილის შეწყალების საკითხთან დაკავშირებით, ისეთივე სიმტკიცე არ შეემჩნეოდა. ამის შესახებ დეპუტატმა „ქრონიკაში" ისაუბრა.
„ის პოზიცია, რომელიც პრეზიდენტს შეწყალებასთან დაკავშირებით არჩეული ჰქონდა, ეს იყო სწორი ახლა, თუ მის ამ პოზიციას ბზარი გაუჩნდა ეს იქნება დიდი შეცდომა. თუ პრეზიდენტი თვლის, რომ ჯანმრთელობასა და მოწამვლასთან დაკავშირებული საკითხები ქმნის ასეთი ცვლილების საფუძველს და საბაბს, მე ვურჩევდი, რომ დაინტერესდეს ამ საკითხებით და შესაბამისად ის ყველა საკითხზე უკლებლივ პასუხს მიიღებს.
ერთადერთი მიზეზი, რითაც შეიძლება დანარჩენი 9 ათასი პატიმრისგან გამოცალკევება ეს არის - ერთი, თუ მოითხოვს ვინმე, რომ პოლიტიკური მოღვაწე სარგებლობდეს სამართლებრივი ინდულგენცია, ეს რასაკვირველია არასწორი იქნებოდა, ჯანმრთელობასთან დაკავშირებით კი იცით პოზიცია, რომ არავითარი ობიექტური მიზეზი გაცხადებისთვის, რომ სასჯელი არის ასარიდებელი, რა თქმა უნდა მოცემულ სიტუაციაში არ არის", - აღნიშნა მიხეილ სარჯველაძემ.