მე ძალიან გამიხარდება, მივესალმები, თუ მოქმედი პრეზიდენტი მიიღებს გადაწყვეტილებას, რომ მესამე პრეზიდენტს ცხოვრების უფლება მისცეს, - ამის შესახებ საქართველოს მესამე პრეზიდენტის ძმამ, გიორგი სააკაშვილმა ჟურნალისტებთან საუბრისას განაცხადა.
„სალომე ზურაბიშვილის გუშინდელმა განცხადებებმა გააჩინა იმედი, რომ თუ გვინდა ევროპასთან დაახლოება, თუ გვინდა, რომ ევროპული საზოგადოების წევრები ვიყოთ, უნდა იყოს გადადგმული არსებითი ნაბიჯები. ერთ-ერთი არის, რა თქმა უნდა, თუ ზურაბიშვილი სააკაშვილს შეიწყალებს," - განაცხადა გიორგი სააკაშვილმა.
მისივე თქმით, მიხეილ სააკაშვილის ბედი "ქართული ოცნების" გადაწყვეტილებაზეა დამოკიდებული.
"აქ არის საკითხი მიხეილ სააკაშვილი ან გადარჩება, ან დამთავრდება ლეტალური შედეგით. ეს ყველაფერი დამოკიდებულია, რა თქმა უნდა, "ქართულ ოცნება" რა გადაწყვეტილებას მიიღებს. აქ არის დღეებზე საუბარი, რომ მმართველმა პარტიამ მიიღოს გადაწყვეტილება - მიშას ვწირავთ ბოლომდე, თუ ვაძლევთ სიცოცხლის უფლებას," - განაცხადა გიორგი სააკაშვილმა.