ყველას აქვს უფლება გამოხატოს საკუთარი პოზიცია და იმ ფორმით, რომელიც მას სურს, მთავარი ეს იყოს კანონის ფარგლებში, - ამის შესახებ საპარლამენტო უმრავლესობის წევრმა მიხეილ სარჯველაძემ განაცხადა, რითაც გამოეხმაურა რუსი ბლოგერისა და ალექსეი არესტოვიჩის მოწოდებებს, რომ გაიმართოს აქციები სხვადასხვა ქვეყანაში საქართველოს საელჩოებთან მიხეილ სააკაშვილის მხარდაჭერის მოთხოვნით.
„მთავარი არის რა - საქართველოს მოსახლეობაში ამ მოთხოვნებს უბრალოდ არ აქვს დასაყრდენი. შეუიარაღებელი თვალითაც აშკარად ჩანს ის, რაც ჩანს. მათ შორის ეს სიმულაციების მცდელობები და ბევრი სახვა რამ. ეს არის ერთადერთი მიზეზი, რის გამოც მოსახლეობა არ არის სოლიდარული ასეთი მოთხოვნების მიმართ", - აღნიშნა სარჯველაძემ.
რუსი უფლებადამცველი მარკ ფეიგინი და უკრაინის პრეზიდენტის მრჩეველი ოლექსი არესტოვიჩი, მიხეილ სააკაშვილისთვის აქციას აანონსებენ. აქცია, მსჯავრდებული სააკაშვილის მხარდასაჭერად ოთხ იანვარს სხვადასხვა ქვეყანაში, საქართველოს საელჩოებთან იგეგმება.