„ხალხის ძალის“ ერთ-ერთმა ლიდერის მიხეილ ყაველაშვილის თქმით, სააკაშვილის გათავისუფლების მიზნით, ხელმოწერების კარდაკარ შეგროვების მიზანია, პრეზიდენტმა აქამდე გაცხადებული გადაწყვეტილება შეცვალოს.
„ისევ მიშა სააკაშვილს დაუბრუნდნენ - გადახედეს ოპოზიციურ სპექტრს, დასაყრდნობად ვერავინ მონახეს, რათა ჩვენს ქვეყანაში ცვლილებებისთვის მიეღწიათ. მათივე კვლევებით დასტურდება, რომ რადიკალურ ოპოზიციას პულსი აღარ ესინჯება. შესაბამისად, [გარე ძალებს] საქართველოში დასაყრდენი არ აქვთ. სააკაშვილის გათავისუფლების მიზნით კარდაკარ ხელმოწერების შეგროვების მიზანია ქალბატონ პრეზიდენტს - სალომე ზურაბიშვილს გაუადვილონ საკუთარ გადაწყვეტილების - „არა და არასოდეს“ შეცვლა და მიშას შეწყალებას „სახალხო ლეგიტიმაციაც“ მიანიჭონ“.
ყველაფერი, რასაც რადიკალური ოპოზიცია და „ნაციონალური მოძრაობის“ ლობისტები აკეთებენ, ერთადერთ მიზანს - მიხეილ სააკაშვილის დახსნასა და, ხელისუფლების შესაცვლელად, კვლავ ვნებათაღელვის დაწყებას ემსახურება, რაც პირდაპირ კავშირშია მეორე ფრონტის გახსნასთან“, - განაცხადა მიხეილ ყაველაშვილმა.