მოძრაობა „ხალხის ძალის" წევრის, გურამ მაჭარაშვილის განცხადებით, არ შეიძლება რომელიმე გაერთიანება, მითუმეტეს ევროპული გაერთიანება პირდაპირ მოუწოდებდეს ერს, ქვეყანას, ვინ უნდა გამოუშვას ციხიდან, ვინ უნდა დაასანქციროს, რომელი კანონი მიიღოს და რომელი - არა.
მისი თქმით, საზოგადოება კუბილიუსისგან, ფოტიგასგან და სხვებისგან შეჩვეულია ისეთ განცხადებებს, რომელიც არის არა მარტო არაევროპული, არამედ - ანტიქართული.
„არ შეიძლება რომელიმე გაერთიანება, მითუმეტეს ევროპული გაერთიანება პირდაპირ მოუწოდებდეს ერს, ქვეყანას, ვინ უნდა გამოუშვას ციხიდან, ვინ უნდა დაასანქციროს, რომელი კანონი მიიღოს და რომელი - არა. თუმცა სამწუხაროდ, ჩვენ შეჩვეულები ვართ ბატონი კუბილიუსისგან, ფოტიგასგან და ა.შ. ისეთ განცხადებებს, რომელიც არის არა მარტო არაევროპული, არამედ - ანტიქართული. არათუ ევროპულ ღირებულებებთან არ გვაქვს აქ საქმე, არამედ ელემენტარული სამართლის ნორმები არ არის აქ დაცული", - განაცხადა გურამ მაჭარაშვილმა.
ევროპარლამენტარმა სვენ მიქსერმა, რომელიც საქართველოსთან ასოცირების ხელშეკრულების შესრულების შესახებ ევროპარლამენტის მიერ მიღებული ყოველწლიური ანგარიშის ავტორია, ამავე ანგარიშში სანქციების შესახებ შეტანილი შესწორებების წინააღმდეგ მისცა ხმა.