საბერძნეთში ბინების ძარცვის საქმეზე, 2 ქართველი დააკავეს.

გავრცელებული ინფორმაციით, მძარცველები ვიდეო-ხაფანგმა დააფიქსირა, რის შემდეგაც კორპუსის მცხოვრებლებმა ვიდეოკადრებიდან ამოღებული ქურდების ფოტოები შესასვლელთან გამოაკრეს და ძებნა გამოაცხადეს.

მძარცველები პოლიციამ რამდენიმე დღეში დააკავა. დაკავების მომენტში მათ ნარკოტიკული საშუალება და მოპარული ნივთებიც აღმოაჩნდა.

ბერძნული მედიის ცნობით, ამოღებულია ნაძარცვი ძვირფასეულობა, ტექნიკა და ფული, რომელიც მეპატრონეთა ნაწილს უკვე დაუბრუნეს. პოლიცია, ამ ეტაპზე ნაქურდალი ნივთების მფლობელების ძებნას განაგრძობს.

tia.ge