პუტინის ომის გამო უკრაინა, შესაძლოა, ზამთარში კიდევ 800 ათასმა უკრაინელმა დატოვოს, ინფორმაციას გამოცემა "დეილი მეილი" გაეროს ბავშვთა ფონდზე დაყრდნობით ავრცელებს.
სტატიაში საუბარია, რომ ამ ფონზე, დიდი ბრიტანეთის ახალი პრემიერ-მინისტრი, საბიუჯეტო თანხების დაზოგვის მიზნით, ბორის ჯონსონის მმართველობის დროს ინიცირებული პროგრამის "სახლი უკრაინელებისთვის" გაუქმებას გეგმავს.
პროგრამის ფარგლებში, ბრიტანეთის მოსახლეობას, რომლებიც უკრაინელ ლტოლვილებს შეიფარებდნენ, თვეში 350 ფუნტი გადაეცემოდათ. რიში სუნაკის ადმინისტრაციის განმარტებით, პროგრამის გაუქმებით, რთული ეკონომიკური ვითარების ფონზე, ქვეყნის ბიუჯეტი 50 მილიარდ ფუნტ სტერლინგს დაზოგავს.