უკრაინის საგარეო საქმეთა მინისტრი დმიტრო კულება აცხადებს, რომ რუსეთი დიდი ხანია გეგმავს მარცვლეულის შეთანხმებისთვის ძირის გამოთხრას, ახლა კი ცდილობს, თავისი ნაბიჯი გაამართლოს.

„მარცვლეულის დერეფნიდან" 220 კილომეტრის მოშორებით, აფეთქებების ყალბი საბაბით, გარიგებაში მონაწილეობის შეწყვეტით, რუსეთი ბლოკავს 2 მილიონ ტონა მარცვლეულს, რომელიც უკვე 176 გემზეა დატვირთული. ეს მარცვლეული საკმარისია 7 მილიონზე მეტი ადამიანის გამოსაკვებად. რუსეთმა ეს წინასწარ დაგეგმა. რუსეთმა შიმშილის თამაშების განახლების გადაწყვეტილება დიდი ხნის წინ მიიღო და ახლა მის გამართლებას ცდილობს", - დაწერა კულებამ „ტვიტერზე".

მოსკოვმა უკრაინიდან მარცვლეულის ექსპორტის შესახებ შეთანხმებაში მონაწილეობა შეაჩერა.