ვოლოდიმირ ზელენსკის განცხადებით, 10 ოქტომბრიდან, რუსეთმა უკრაინის ელექტროსადგურების 30% გაანადგურა, რის გამოც, პუტინთან ნებისმიერი მოლაპარაკება შეუძლებელია.

„რუსული ტერაქტების კიდევ ერთი სახეობა: უკრაინის ენერგეტიკისა და კრიტიკული ინფრასტრუქტურის მიზანში ამოღება. 10 ოქტომბრის შემდეგ, უკრაინის ელექტროსადგურების 30% განადგურდა, რამაც მთელ ქვეყანაში მასიური გათიშვა გამოიწვია. პუტინის რეჟიმთან მოლაპარაკებებისთვის ადგილი აღარ დარჩა", - წერს უკრაინის პრეზიდენტი.