კულტურული მემკვიდრეობის ეროვნული სააგენტოს განცხადებით, 18 ოქტომბერს, დილის საათებში, ვარძიის მუზეუმის მიმდებარე ტერიტორიაზე მთის ფერდობზე დაიწყო ქვათა ცვენა, დაგორდა ლოდები.
მათი ინფორმაციით, ადგილი, სადაც ლოდები დაგორდა მუზეუმის მიმდებარე ტერიტორიაა და კულტურული მემკვიდრეობის ძეგლის - ვარძიის სამონასტრო კომპლექსისგან მოშორებით არის. მათივე ინფორმაციით, მომხდარის შედეგად ძეგლს საფრთხე არ დამუქრებია.
„სსიპ კულტურული მემკვიდრეობის ეროვნული სააგენტო აცხადებს, რომ მიმდინარე წლის 18 ოქტომბერს, დილის საათებში, ვარძიის მუზეუმის მიმდებარე ტერიტორიაზე, პერიმეტრზე შესასვლელ შლაგბაუმთან, მთის ფერდობზე დაიწყო ქვათა ცვენა (დაგორდა ლოდები).
თუმცა, როგორც აღინიშნა, ეს არის მუზეუმის მიმდებარე ტერიტორია კულტურული მემკვიდრეობის ძეგლის - ვარძიის სამონასტრო კომპლექსისგან მოშორებით.
მომხდარის შედეგად ძეგლს საფრთხე არ დამუქრებია“, - ნათქვამია გავრცელებულ განცხადებაში.