SpaceX-ის დამფუძნებელმა და აღმასრულებელმა დირექტორმა, ილონ მასკმა განაცხადა, რომ SpaceX-ს უკრაინაში Starlink-ის ინტერნეტ სერვისის განუსაზღვრელი ვადით დაფინანსება არ შეუძლია.
„SpaceX-ი წარსული ხარჯების ანაზღაურებას არ ითხოვს, მაგრამ ასევე ვერ დააფინანსებს არსებულ სისტემას განუსაზღვრელი ვადით და ვერ გააგზავნის [უკრაინაში] კიდევ რამდენიმე ათას ტერმინალს", - აღნიშნა ილონ მასკმა.
ილონ მასკის თქმით, Starlink-ი თვეში თითქმის 20 მილიონ დოლარს ხარჯავს უკრაინაში სატელიტური სერვისების მხარდაჭერაზე.
მანამდე ტელეკომპანია CNN-მა ინფორმაცია გაავრცელა, რომ სექტემბერში SpaceX-მა პენტაგონს წერილი გაუგზავნა, რომელშიც ნათქვამია, რომ კომპანია ვერ გააგრძელებს უკრაინაში Starlink-ის სერვისის დაფინანსებას და შესაძლოა შეწყვიტოს მისი დაფინანსება, თუ აშშ-ის თავდაცვის დეპარტამენტი არ დაეხმარება კომპანიას.