ვინც უნდა იყოს გზავნილის ავტორი, მითუმეტეს, ჩვენი სტრატეგიული ქვეყნის ელჩი, ყოველთვის მომხრე ვარ იმის, რომ კომუნიკაცია ხდებოდეს არა გზავნილებით, ვერბალური ან წერილობით, არამედ უშუალო და გამჭვირვალე კომუნიკაცია, - ამის შესახებ საქართველოს პარლამენტის ვიცე-სპიკერმა, საპარლამენტო უმრავლესობის წევრმა დავით სერგეენკომ განაცხადა.
მისი თქმით, თუკი არსებობს კითხვები ამისთვის პირველ რიგში საჭიროა კომუნიკაცია და ეს არის გამოსავალი და გასაღები.
„მეორე მხრივ, პარლამენტი, მაგალითად განსხვავებით მინისტრთა კაბინეტისგან, არ არის ის ინსტიტუცია, სადაც ვინმე უნდა გაემიჯნოს, ან მხარი დაუჭიროს ვინმეს განცხადებებს. პარლამეტში ნებისმიერ დეპუტატს აქვს შესაძლებლობა თავის პოზიცია გამოხატოს და მეორე მხრივ, პარლამენტის არცერთ წევრს არ აქვს ვალდებულება, რომ გაემიჯნოს ან სოლიდარობა გამოუცხადოს", - განაცხადა დავით სერგეენკომ.