გარემოს ეროვნული სააგენტოს ინფორმაციით, 3 სექტემბრის ჩათვლით საქართველოში შენარჩუნებული იქნება ცხელი და უმეტესად უნალექო ამინდი. დასავლეთ საქართველოს ცალკეულ რაიონებში ჰაერის ტემპერატურამ შესაძლოა 40 გრადუსს გადააჭარბოს, თუმცა შემდეგ დღეებში უკვე მოსალდნელია ამინდის საგრძნობი ცვლილება.

სინოპტიკოსების ცნობით, 4 სექტემბრიდან საქართველოში მოსალოდნელია გრილი და ნოტიო ჰაერი მასების გავრცელება, რის გამოც დასავლეთ საქართველოს უმეტეს და აღმოსავლეთ საქართველოს ზოგიერთ რაიონში მოსალოდნელია წვიმა, ზოგან ძლიერი, იქროლებს დასავლეთის მიმართულების ძლიერი ქარი. ჰაერის ტემპერატურა მნიშვნელოვნად დაიკლებს. ზღვაზე მოსალოდნელია 2-3 ბალიანი ღელვა. ტემპერატურა როგორც აღმოსავლეთ, ისე დასავლეთ საქართველოში 7-11 გრადუსის ფარგლებში დაიკლებს.