პარლამენტის ადამიანის უფლებათა დაცვის კომიტეტის თავმჯდომარის, მიხეილ სარჯველაძის განცხადებით, იდგმება ნაბიჯები იმ მიმართულებით, რომელსაც ევროკომისიის მიერ შეთავაზებული გეგმის სრულფასოვნად შესრულება ჰქვია.

„არ ვიცი ჩვენი ქვეყნის მოქალაქეებს რამ გაუჩინა არასრულფასოვნების კომპლექსი, რატომ აქვთ განცდა, რომ ოპოზიციასა და ხელისუფლებას არ შეგვიძლია, ვიმსჯელოთ და დისკუსიის შედეგად მივიდეთ გადაწყვეტილებამდე. გასულ კვირაში საკმაოდ ინტენსიურად წარიმართა მუშაობა, ოფიციალური სხდომებიც გაიმართა და სამუშაო ფორმატებში მიმდინარეობდა ეს მუშაობა, ნელ-ნელა იდგმება კონკრეტული ნაბიჯები იმ მიმართულებით, რომელსაც ჰქვია ჩვენ მიერ შეთავაზებული გეგმის სრულფასოვნად შესრულება", - აღნიშნა მიხეილ სარჯველაძემ.