საქართველოში არანორმალურად მაღალი ტემპერატურა 18 აგვისტოს ჩათვლით არის მოსალოდნელი, თუმცა სიცხე შემდეგაც გაგრძელდება, უბრალოდ, 3-4 გრადუსით დაიკლებს. ამის შესახებ გარემოს ეროვნული სააგენტოს ჰიდრომეტეოროლოგიური სააგენტოს უფროსი სვეტლანა ნიორაძე აცხადებს.

“ზაფხულის განმავლობაში ტემპერატურის პიკი უკვე დაფიქსირდა გუშინ, დასავლეთ საქართველოში 41 გრადუსამდე ავიდა, აღმოსავლეთ საქართველოში კი, თბილისში – 37 გრადუსი. მაღალ ტემპერატურის პროგნოზს ჩვენ ვინარჩუნებთ 18 აგვისტოს ჩათვლით. 

დღეიდან, დასავლეთ საქართველოში წავა კლება, აღმოსავლეთში ჯერჯერობით მშრალ და უნალექო ამინდს ველოდებით. საბოლოო ჯამში ცხელი ამინდი თვის ბოლომდე შენარჩუნდება”, – აღნიშნა სინოპტიკოსმა.