დნეპროპეტროვსკის ოლქის ქალაქ აპოსტოლოვზე რუსული ჯარის მიერ განხორციელებული დაბომბვის შემდეგ განადგურებულია სამი სკოლა, რომელთაგან ერთ-ერთი მეცნიერ ალექსნადრ ზალუჟნის სახელობის იყო.
ამის შესახებ დნეპროპეტროვსკის ოლქში უკრაინის საგანეგბო სიტუაციების მართვის სამსახურის მედიასთან და საზოგადოებასთან ურთიერთობის დეპარტამენტის ხელმძღვანელისმოვალეობის დროებითმა შემსრულებელმა სერგეი კოვტონიუკმა განაცხადა.
„აპოსტოლოვზე თავდამსხმელმა 7 სარაკეტო დარტყმა განახორციელა, მიზანმიმართულად ურტყამდა სკოლებს. დაბომბვის შედეგად განადგურებულია 2 სასწავლო დაწესებულება, რომელთაგან ერთ-ერთი მეცნიერ ალექსანდრ ზალუჟნის სახელობის იყო. მაგრამ დიდი ალბათობით მტერს ეგონა, რომ უკრაინის შეიარაღებული ძალების მთავარსარდლის ვალერი ზალუჟნის სახელობის სკოლა გაანადგურა", - განაცხადა კოვტონიუკმა.
მისივე თქმით, ასევე დაზიანებულია საცხოვრებელი სახლები. წინასწარი მონაცემებით, 8 ადამიანი დაშავდა, 3 მათგანი ჰოსპიტალიზებულია, მათგან ორის ჯანმრთელობის მდგომარეობა მძიმეა