„მთავარი არხის" ერთ-ერთი დამფუძნებლის, მსჯავრდებულ ნიკა გვარამიას მეუღლის, სოფო ლილუაშვილის განცხადებით, მას სააპელაციო სასამართლოსგან რაიმეს შეცვლის მოლოდინი არ აქვს.
როგორც სხდომის დაწყებამდე მან ჟურნალისტებთან განაცხადა, გვარამია პოლიტპატიმარია.
„ჩვენ ყველამ კარგად ვიცით, რომ ნიკა აღიარებულია თავისუფლების სიმბოლოდ, თავისუფლების მედროშედ, არამხოლოდ საქართველოში, არამედ, საქართველოს გარეთაც. დავამატებ, რომ ასევე აღიარებულია, როგორც საქართველოში, ასევე საერთაშორისო მასშტაბით, როგორც პოლიტპატიმარი.
არანაირი მოლოდინი არ მაქვს კონკრეტული. დიდი იმედი მაქვს იმ ადამიანების, რომლებიც ამ სისტემის ნაწილი არიან და ამ ქვეყნის მომავალი ისევე ადარდებთ, როგორც ნიკას, იმედი მაქვს, ისინი ნიკასთან ერთად მოიპოვებენ თავისუფლებას, როგორც მათთვის, ასევე, ჩვენი ქვეყნისთვის",- სოფო ლილუაშვილმა.