რეზონანსი
14.10.2021

ევროკავშირის მარეგულირებელმა, ევროპის წამლის სააგენტომ (EMA) AstraZeneca-ს ანტისხეულების ახალი პრეპარატის შეფასება დაიწყო. ინფორმაციას ამის შესახებ სააგენტო Reuters-ი ავრცელებს.

„ევროპის წამლის სააგენტო პრეპარატის ხარისხის, უსაფრთხოებისა და ეფექტურობის შესახებ უფრო მეტ მონაცემს შეაფასებს, როგორც კი ხელმისაწვდომი გახდება", - ნათქვამია ევროკავშირის მარეგულირებლის განცხადებაში.

11 ოქტომბერს, კომპანია AstraZeneca-ში განაცხადეს, რომ ანტისხეულების ახალმა პრეპარატმა არაჰოსპიტალიზებულ პაციენტებში დაავადების მძიმე ფორმის ან სიკვდილიანობის რისკი შეამცირა.

პრეპარატმა, სახელწოდებით AZD7442, კორონავირუსის მძიმე ფორმის ან სიკვდილიანობის განვითარების რისკი 50%-ით შეამცირა იმ პაციენტებში, რომლებსაც სიმპტომები შვიდი ან ნაკლები დღის განმავლობაში ჰქონდათ.

„ანტისხეულების პრეპარატით ადრეულ ჩარევას მნიშვნელოვნად შეუძლია შეამციროს მძიმე დაავადების პროგრესირება, ამასთან, ის დაცვას ექვს თვეზე მეტი პერიოდის განმავლობაში უზრუნველყოფს", - განაცხადა მენე პანგალოსმა, AstraZeneca-ს აღმასრულებელმა ვიცე-პრეზიდენტმა.

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია

Copyright © 2006-2021 by Resonance ltd. . All rights reserved
×