გეოპოლიტიკურად მძიმე და გაურკვეველი ვითარება, სააქციო ბაზრების განვითარების დაბალი დონე, ფინანსური გაუნათლებლობა და სხვა არაერთი პრობლემაა, რაც დაგროვებითი პენსიის სისტემას საფრთხეს უქმნის. რისკები კი ნამდვილად რეალურია, რის გათვალისწინებითაც სპეციალისტები მთავრობას საკუთარ რეკომენდაციებს სთავაზობენ და ურჩევენ, რომ მოსახლეობას მისცენ არჩევანი, თვითონ მიიღოს გადაწყვეტილება, დაბალრისკიან პორტფელში დარჩეს თუ მაღალრისკიანში გადაინაცვლოს, როცა კანონიერად დადგება ამის საჭიროება.