საქართველომ წელს განსაკუთრებით ბევრი ელექტროენერგია გაყიდა. გაზაფხულის ბოლოდან დაწყებული დენის ექსპორტი დღესაც გრძელდება. შთამბეჭდავი შედეგი, ერთი მხრივ, ბუნებრივი აირის ჭარბმა რაოდენობამ განაპირობა, რომელიც თბოსადგურებმა გამოიყენეს, მეორე მხრივ კი წყალუხვობამ. გარდა ამისა, 2023 წლის განვლილ თვეებში უმსხვილესი საწარმოების მიერ ელექტროენერგიის მოხმარება შემცირდა, შესაბამისად, ამ გარემოებამაც გააჩინა ჭარბი ელექტროენერგია.