ათი წელი გავიდა მას შემდეგ, რაც ჩინეთის პრეზიდენტი სი ძინფინგი „სარტყლისა და გზის" ინიციატივით გამოვიდა. 2023 წელი იმითაც არის მნიშვნელოვანი, რომ გარე ზეწოლის მიუხედავად, ჩინეთის ეკონომიკა გაუმჯობესებას განაგრძობს.

მზად ვართ, „სარტყლისა და გზის" საერთაშორისო თანამშრომლობის მე-3 ფორუმის" მნიშვნელოვანი პლატფორმის საშუალებით, აქტიურად შევუწყოთ ხელი მსოფლიოს განვითარებას და „კაცობრიობის საერთო მომავლის მქონე საზოგადოების" ჩამოყალიბებას.

ჩინეთის ეკონომიკა ინარჩუნებს სტაბილურობას და განაგრძობს გაუმჯობესებას

სახეზე გვაქვს ეკონომიკური ზრდის აღდგენის ტენდენცია. 2023 წლის პირველ ნახევარში, ჩინეთის მშპ 5.5%-ით გაიზარდა, რაც აშკარად აღემატება 2020-2022 წწ. პანდემიის პერიოდის წლიური საშუალო ეკონომიკური ზრდის 4.5%-იან მაჩვენებელს. მიმდინარე წლის იანვარ-აგვისტოში, დადგენილ ნორმაზე მაღალი მრეწველობა - 3.9%-ით, მომსახურების სფეროში წარმოების ინდექსი - 8.1%-ით, სამომხმარებლო საქონლით საცალო ვაჭრობა - 7.0%-ით გაიზარდა და ამ უკანასკნელმა 30.2281 ტრილიონი იუენი შეადგინა.

გლობალური ეკონომიკის აღდგენის პროცესის შეფერხების ფონზე, ჩინეთის ეკონომიკური მიღწევები განსაკუთრებით დასაფასებელია. ჩინეთის ეკონომიკამ დიდი გამძლეობა და უზარმაზარი პოტენციალი გამოავლინა, რაც ძლიერ სტიმულს ქმნის გლობალური ეკონომიკის აღდგენისთვის.

ჩინეთი საგარეო ვაჭრობაში წამყვანი ქვეყნის სტატუსს ინარჩუნებს. ბოლო წლებში, შეერთებული შტატები და დასავლეთის ქვეყნები ახორციელებენ სამრეწველო და მიწოდების ჯაჭვების ლოკალიზაციას, საზღვრებთან ახლოს გადმოტანას, ალიანსების ფორმირებასა და რისკების შემცირებას, რამაც დარტყმა მიაყენა ჩინეთის სამრეწველო ჯაჭვებსა და საგარეო ვაჭრობას.

უნებლიეთ იბადება კითხვა: ჩინეთს ისევ აქვს „მსოფლიო ქარხნის" სტატუსი"? მიმდინარე წლის იანვარ-აგვისტოში, გლობალური მოთხოვნის შემცირების ფონზე, აშშ დოლარში დენომინირებული ჩინური საქონლის ექსპორტი შემცირდა, თუმცა, ჩინეთში გაცილებით უკეთესიმდგომარეობა იყო, ვიდრე მეზობელ ქვეყნებში. 2022 წელს, საქონლის გლობალურ ექსპორტში ჩინეთის წილმა 14.4% შეადგინა, მაშინ როცა წამყვანმა განვითარებულმა ეკონომიკებმა კლება განიცადეს. ამ წლის პირველ ნახევარში, ჩინეთიდან საქონლის ექსპორტი 0,2 პროცენტული პუნქტით გაიზარდა და 14% შეადგინა. ჩინეთი საქონლის უმსხვილესი ექსპორტიორი ქვეყნის სტატუსს ინარჩუნებს. საგარეო ვაჭრობის განვითარებას კარგი პერსპექტივა აქვს.

სტაბილურად ვინარჩუნებთ მაღალი ხარისხით განვითარებას. ჩინეთის ეკონომიკა ზრდის სწრაფი ტემპიდან - მაღალი ხარისხით განვითარების სტადიაზე გადავიდა. მიმდინარე წლის იანვარ-აგვისტოში, მაღალტექნოლოგიურ ინდუსტრიაში ინვესტიციები 11.3%-ით გაიზარდა, მათ შორის მაღალტექნოლოგიურ წარმოებასა და მომსახურების დარგში განხორციელებული ინვესტიციები შესაბამისად 11.2%-ით და 11.5%-ითგაიზარდა. იანვარ-აგვისტოში, განახლებად ენერგიაზე მომუშავე ავტომობილების გაყიდვები 39.2%-ით გაიზარდა.

წლის პირველ ნახევარში, ჩინეთიდანლითიუმის და მზის ბატარეების და ელექტროავტომობილების ექსპორტი 61.6%-ით გაიზარდა. „მწვანე მრეწველობამ" კარგი დინამიკა აჩვენა და ექსპორტის ზრდაში ახალ ნათელ წერტილად იქცა.ჩინეთი აგრძელებს საკუთარი ინოვაციური შესაძლებლობების გაუმჯობესებას, ხელს უწყობს„მწვანე ტრანსფორმაციის" დაჩქარებას, მაღალი ხარისხით განვითარება დადებით სტიმულს იძლევა.

„სარტყლისა და გზის" ინიციატივამ მნიშვნელოვანი შედეგები გამოიღო, რასაც მთელი მსოფლიოსთვის მოაქვს სარგებელი

„სარტყლისა და გზის" ინიციირებიდან ათი წლის თავზე, იგი გლობალურ საჯარო სიკეთედ ჩამოყალიბდა. მართალია, იგი ჩინეთის თაოსნობით შეიქმნა, მაგრამ მხარეების ერთობლივი ჩართულობით ხორციელდება. თავისი მაღალი სტანდარტებით, მდგრადობითა და სარგებლით, მან მსოფლიოს ქვეყნების სამ მეოთხედზე მეტი და 32 საერთაშორისო ორგანიზაცია მიიზიდა, რამაც იგი საერთაშორისო თანამშრომლობის ყველაზე პოპულარულ პლატფორმად აქცია.

ათი წლის განმავლობაში, ინიციატივის მონაწილე ქვეყნებსა და რეგიონებში მრავალი თანამშრომლობის პროექტი განხორციელდა. ამან ადგილობრივ დონეზე ეკონომიკის განვითარებასა და ხალხის საარსებო პირობების გაუმჯობესებას შეუწყო ხელი. 2013-2022 წწ. ჩინეთსა და ინიციატივის მონაწილე ქვეყნებს შორის ექსპორტ-იმპორტის მოცულობის ზრდის წლიურმა მაჩვენებელმა დაახლოებით 8%, ხოლო ჯამურმა ინვესტიციებმა 397.9 მილიარდი იუენი შეადგინა, ადგილობრივ დონეზე 421 000 სამუშაო ადგილი შეიქმნა, 3000-ზე მეტი თანამშრომლობის პროექტი განისაზღვრა, 40 მილიონამდე ადამიანმა სიღარიბეს თავი დააღწია.

მიმდინარე წლის იანვარ-აგვისტოში, ჩინეთსა და ინიციატივის ქვეყნებსა და რეგიონებს შორის ვაჭრობა კიდევ უფრო გააქტიურდა. პარტნიორ ქვეყნებთან ექსპორტ-იმპორტის მოცულობა 3.6%-ით გაიზარდა, რაც მთლიანი საგარეო ვაჭრობის ზრდის ტემპს აღემატება. ჩინეთი მტკიცედ აგრძელებს საგარეო გახსნილობის პოლიტიკას, საკუთარი განვითარებითსტიმულს აძლევს მთელი მსოფლიოს განვითარებას. სრულიად დამსახურებულად, იგი გლობალური განვითარების კონტრიბუტორად და ურთიერთმომგებიანი თანამშრომლობის ინიციატორად ჩამოყალიბდა.

ამ წლის 17-18 ოქტომბერს, პეკინში რიგით მესამე „სარტყლისა და გზის" საერთაშორისო თანამშრომლობის ფორუმი" გაიმართება. ღონისძიების გახსნაზე პრეზიდენტი სი ძინფინგი ძირითად მოხსენებას გააკეთებს. ფორუმის მთავარი თემაა „მაღალი ხარისხის „სარტყლისა და გზის" თანამშრომლობა - საერთო განვითარებისა და კეთილდღეობისთვის".

ეს საზეიმო ღონისძიება ინიციატივის მე-10 წლისთავს ეძღვნება. „სარტყელი და გზა" კიდევ ერთხელ მთავარ ფოკუსში მოექცევა. ფორუმის მონაწილეები „სარტყლისა და გზის" თანამშრომლობის საკითხებზე იმსჯელებენ. ეს იქნება ახალი თავი აბრეშუმის გზის ისტორიაში საერთო განვითარებასა და ურთიერთსარგებელზე.

ჩინეთსა და საქართველოს შორის „სარტყლისა და გზის" ფარგლებში თანამშრომლობას ფართო პერსპექტივა აქვს

საქართველო ერთ-ერთი პირველი იყო, რომელმაც „სარტყლისა და გზის" ინიციატივას მხარი დაუჭირა. ამასთან, იგი პირველია ევრაზიის რეგიონში, რომელთანაც ჩინეთს თავისუფალი სავაჭრო პარტნიორობა აქვს. ბოლო ათი წლის განმავლობაში, ჩინეთ-საქართველოს შორის თანამშრომლობა ეკონომიკასა და ვაჭრობაში მუდმივად იზრდება. მას შემდეგ, რაც 2018 წელს თავისუფალი ვაჭრობის შესახებ შეთანხმება ძალაში შევიდა, ორი ქვეყნის სავაჭრო-ეკონომიკურ ურთიერთობებში ახალი ეტაპი დაიწყო. ჩინეთი გახდა საქართველოს რიგით მესამე სავაჭრო პარტნიორი და ნომერ პირველი საექსპორტო ბაზარი.

ბოლო ათი წლის განმავლობაში, არა ერთი ჩინელი ინვესტორიშემოვიდა საქართველოში. ჩინურმა მხარემ ჯამში 800 მილიონი აშშ დოლარის ინვესტიციები განახორციელა. ორმხრივი თანამშრომლობა ინდუსტრიული პარკების, ფინანსების, ენერგეტიკის და სხვა სფეროებში სულ უფრო ღრმავდება.

ჩინეთი ხელს უწყობს საქართველოში ვაჭრობის, ლოგისტიკის, გადამამუშავებელი მრეწველობის, ენერგორესურსების გადამუშავების და სხვა დარგების განვითარებას. ჩინურმა კომპანიებმა ჯამში 300-ზე მეტი კილომეტრის სიგრძის საავტომობილო გზები და 40-ზე მეტი კილომეტრის სიგრძის რკინიგზა დააგეს, რაც საქართველოს სოციალურ-ეკონომიკურ განვითარებაში დაეხმარა. ჰუალინგ ჯგუფი მთავარი ჩინური ინვესტორია საქართველოში, რომლის ჯამური ინვესტიციები 600 მილიონ აშშ დოლარს აჭარბებს.

ჰუალინგის მიერ შეიქმნა სპეციალური ეკონომიკური და თავისუფალი ინდუსტრიული ზონები. იგიყოველწლიურად 16 მილიონი აშშ დოლარის მოცულობის ექსპორტის სტიმულირებას ახდენსჩინეთიდან საქართველოს მიმართულებით. კომპანიაში ადგილობრივად დასაქმებულია 3000-ზე მეტი ადამიანი. ეს „სარტყლისა და გზის" ფარგლებში ორმხრივი თანამშრომლობის წარმატებული მაგალითია.

იმედი გვაქვს, რომ შევძლებთ „სარტყლისა და გზის" საერთაშორისო თანამშრომლობის მე-3 ფორუმით" შექმნილი მარჯვე მომენტის გამოყენებას, რათა ქართულ მხარესთან ერთად დავგეგმოთ და წინ წავწიოთ „სარტყლისა და გზის" ფარგლებში ორმხრივი თანამშრომლობა და ხელი შევუწყოთ „შუა დერეფნის" განვითარებას, ორი ერის საკეთილდღეოდ და ჩინურ-ქართული ურთიერთობების ახალ საფეხურზე ასასვლელად.

საქართველოში ჩინეთის საელჩოს დროებითი საქმეთა რწმუნებული - სსუი ხაიჭენგ