გვანცა წულაია
19.04.2017

 კონსტიტუციაში რამდენიმე მნიშვნელოვანი ცვლილების ასახვა იგეგმება. პრეზიდენტის პირდაპირი არჩევის ნაცვლად, ირიბი წესით - ე.წ საარჩევნო კოლეგიის მიერ იქნება არჩეული. მაჟორორიტაული საარჩევნო სისტემა უქმდება და საპარლამენტო არჩევნები მთლიანად პროპორციული წესით ჩატარდება. პარტიებს საარჩევნო ბლოკების შექმნის შესაძლებლობა აღარ ექნებათ. პარლამენტის ადგილმდებარეობა კონსტიტუციით განსაზღვრული აღარ იქნება. ბოლო ძირითადი ცვლილება, რომელიც გუშინ იქნა დამატებული, ესაა ევროპულ და ევროატლანტიკურ სტრუქტურებში ინტეგრაცია.

გვანცა წულაია
18.04.2017

 გავლენიანმა შვეიცარიულმა არასამთავრობო ორგანიზაციამ - მსოფლიო ეკონომიკურმა ფორუმმა 2017 წლის ანგარიში გამოაქვეყნა. ანგარიშში, დაცულობისა და უსაფრთოების კუთხით, საქართველომ 136 ქვეყანას შორის, 29-ე ადგილი დაიკავა.

თიკო ოსმანოვა
15.04.2017

როგორც პარტიის ლიდერმა შალვა შავგულიძემ განაცხადა, "ქართული ოცნება" მყარად იცავს იმ პოზიციებს, რომელიც მმართველი ძალის კიდევ უფრო მეტი კონცენტრაციის და არადემოკრატიული განვითარების მანიშნებელია. მისივე განცხადებით, მათ ამის კონკრეტული გეგმა არ აქვთ, თუმცა, განვითარებული მოვლენებიდან გამომდინარე, საკონსტიტუციო კომისიაში დარჩენის აუცილებლობას ვერ ხედავს.

გვანცა წულაია
14.04.2017

 საპარალმენტო არჩევნების დროს ბლოკებისა და კოალიაციის შექმნა იკრძალება, ამასთან დაკავშირებით, კონსტიტუციის ახალ პროექტშია საუბარი, რასაც ოპოზიცია კატეგორიულად არ ეთანხმება. ოპოზიციაში აცხადებენ, რომ შესაძლოა მათ ამის გამო საკონსტიტუციო კომისიას ბოიკოტი გამოუცხადონ.

გვანცა წულაია
13.04.2017

 პრეზიდენტის არაპირდაპირი წესით არჩევა საბოლოოდ გადაწყდა, - ამის შესახებ პარლამენტის თავმჯდომარე ირაკლი კობახიძემ განაცხადა. მისი თქმით, ოპოზიციურ პარტიებს კონკრეტული არგუმენტები არ აქვთ, რატომ უნდა მოხდეს პრეზიდენტის არაპირდაპირი წესით არჩევა, ამიტომ აღნიშნული ცვლილება ძალაში შევა.

გვანცა წულაია
12.04.2017

 გუშინ საკონსტიტუციო კომისიის სხდომაზე პარლამენტის ადგილმდებარეობის განსაზღვრაზე იმსჯელეს. დეპუტატებმა ის საკითხი განიხილეს, რომლის მიხედვითაც კონსტიტუციაში პარლამენტის ადგილმდებარეობასთან დაკავშირებით ჩანაწერი საერთოდ არ უნდა იყოს. ამ ცვლილების მიხედვით, კონსტიტუციიდან იმ ჩანაწერს ამოიღებენ, სადაც პარლამენტის ადგილმდებარეობად ქუთაისია განსაზღვრული.

გვანცა წულაია
11.04.2017

 არასამთავრობო ორგანიზაციები ინიციატივას კონსტიტუციაში ქორწინების განსაზღვრის შესახებ უარყოფითად აფასებენ და მიიჩნევენ, რომ ქორწინების შესახებ საკონსტიტუციო ცვლილების ძალაში შესვლის შემთხვევაში ასევე აუცილებელია, ერთი და იმავე სქესის მქონე წყვილებისთვის სამოქალაქო პარტნიორობის შესაძლებლობა კონსტიტუციით გარანტირებული იყოს. ამის შესახებ ისინი სპეციალურ მიმართვას ავრცელებენ.

თიკო ოსმანოვა
10.04.2017

 "არაერთი კვლევა, შიდა თუ უცხოური, მიანიშნებს, რომ ხალხის ნდობა სასამართლოს მიმართ არის მცირე, ხალხი არ ენდობა სასამართლო სისტემას", - ეს განცხადება პრეზიდენტის საპარლამენტო მდივანმა ანა დოლიძემ გააკეთა.

გვანცა წულაია
08.04.2017

 გუშინ პრეზიდენტი გიორგი მარგველაშვილი პარლამენტის წინაშე ყოველწლიური საანგარიშო მოსმენით წარსდგა. მისი გამოსვლა მეტწილად ხელისუფლებისადმი კრიტიკული იყო.

თიკო ოსმანოვა
07.04.2017

 სამშენებლო კომპანია "ცენტრ პოინტის" საქმეზე დაკავებული გურამ რჩეულიშვილი თავისუფალია. მისი ოჯახის წევრები კი კვლავ საპატიმროში რჩებიან და სავარაუდოდ მათი გამოშვება უახლოეს მომავალში ვერ მოხდება, რადგან პროკურატურსა და რჩეულიშვილებს შორის საპროცესო შეთანხმება ვერ ხერხდება. შოთაძის უწყება მაია რჩეულიშვილის და რუსუდან კერვალიშვილის საპატრიმროდან გათავისუფლების წინაპირობად "ცენტრ პოინტის" საქმეზე ყველა დაზარალების დაკმაყოფილება ასახელებს, რჩეულიშვილების ოჯახი კი პირიქით დაზარალებულთა დაკმაყოფილების წინაპირობად დაკავებულთა გათავისუფლებას ასახელებს.

გვანცა ღვედაშვილი
06.04.2017

 ევროპაში მწეველთა რაოდენობის მიხედვით საქართველო მეორე ადგილზეა, სწორედ ამ მიზეზის გამო ხელისუფლება უახლოესი 10 წლის განმავლობაში ქვეყანაში მწეველთა რაოდენობის განახევრებას გეგმავს.

ნინო ქეთელაური
05.04.2017

 შემდეგი საპარლამენტო არჩევნების პროპორციული საარჩევნო სისტემით ჩატარებაზე მთავრობა და ოპოზიცია შეთანხმდა, თუმცა გარკვეულ საკითხებზე დისკუსია ისევ გრძელდება.


Copyright © 2006-2020 by Resonance ltd. . All rights reserved
×