სახელი*
    ელ–ფოსტა
    წერილის ტექსტი*
    საკონტროლო კოდი* კოდის განახლება
    გაგზავნა
    ანი ფაცია
    01.10.2013

     საქართველოს საგარეო საქმეთა მინისტრი მაია ფანჯიკიძე ოკუპირებული ტერიტორიების პრობლემაზე რუსეთთან მაღალი დონის შეხვედრებს არ გამორიცხავს. მისივე ინფორმაციით, აბაშიძე-კარასინის შეხვედრის თემაც ოკუპირებული ტერიტორიების საკითხი იყო, თუმცა ქართული მხარე ამ შეხვედრიდან შედეგს არ ელოდა, რადგან მათ ამ საკითხზე გადაწყვეტილების მიღების მანდატი არა აქვთ.

    ანი ფაცია
    30.09.2013

     მოსკოვის გამზირს, შესაძლოა, სახელი გადაერქვას და სოხუმის გამზირი ეწოდოს. ამ საკითხის ინიციატორები ქალაქ თბილისის საკრებულოს ფრაქცია "ნაციონალური მოძრაობის" წევრები არიან. თუმცა, საკითხი განსახილველად საკრებულოზე ჯერ არ გასულა.

    მაია აბაიაძე
    28.09.2013

     კანონში "საქართველოს მოქალაქეების საქართველოდან გასვლისა და საქართველოში შემოსვლის წესების შესახებ" ცვლილებები იგეგმება. ცვლილებების მიხედვით, საქართველოს მოქალაქეს ქვეყნის დატოვებაზე, პასპორტის მოქმედების ვადის გაგრძელებაზე, ან საზღვრის გადაკვეთაზე შესაძლოა, უარი ეთქვას სახელმწიფო ან საზოგადოებრივი უსაფრთხოების ინტერესებიდან გამომდინარე. ქვეყნიდან გასვლაზე ასეთი შეზღუდვით კანონი კონსტიტუციასთან შესაბამისობაში მოდის.

    სალომე აბულაძე
    27.09.2013

     საქართველოს პრეზიდენტი, მიხეილ სააკაშვილი გაეროს გენერალურ ასამბლეაზე გუშინ სიტყვით გამოვიდა, მან ქვეყნის განვითარებაზე და რუსეთთან ურთიერთობაზე ისაუბრა. ამერიკის შეერთებული შტატების ელჩი საქართველოში რიჩარდ ნორლანდი პრეზიდენტ მიხეილ სააკაშვილის გაეროში გამოსვლას გამოეხმაურა. მისი თქმით, პასუხიმგებლობის აღება იმ შესაძლო შეცდომების გამო, რაც მისმა მთავრობამ დაუშვა, ღირსშესანიშნავი განცხადება იყო.

    თიკო ოსმანოვა
    26.09.2013

     ბიძინა ივანიშვილის განცხადებით, მისი ხელისუფლებაში მოსვლის შემდეგ ინვესტიციები და სამუშაო ადგილებიც გაიზარდა. "რომ არა ჩვენი მოსვლა, კოლაფსი მოხდებოდა. წინა ხელისუფლებას ბიუჯეტის შევსების შანსი არ ჰქონდა. უბადრუკი ომის შემდგომ აღებული კრედიტების ნაწილი იხარჯებოდა ეფექტურად, დიდი ნაწილი კი - არაეფექტურად და ეს იძლეოდა იმ ციფრებს, რომელსაც ესენი ხატავდნენ.

    თიკო ოსმანოვა
    25.09.2013

     პრეზიდენტი სააკაშვილი გუშინ თავის ამერიკელ კოლეგას შეხვდა. შემდეგ კი განაცხადა, რომ მისმა პოლიტიკურმა ოპონენტმა, პრემიერმა ბიძინა ივანიშვილმა ვერც ერთი ოფიციალური ვიზიტის განხორციელება ვერ მოახერხა არა მარტო შტატებში, არამედ დასავლეთ ევროპაშიც. არადა, ყველას გვახსოვს, შარშანდელი არჩევნების წინ ივანიშვილმა განაცხადა, რომ გამარჯვების შემთხვევაში მისი პირველი ოფიციალური ვიზიტი ვაშინგტონში შედგებოდა.

    თიკო ოსმანოვა
    24.09.2013

     ამერიკის ეროვნულ დემოკრატიულმა ინსტიტუტმა "ენ-დი-აიმ" საზოგადოებრივი აზრის კვლევის შედეგები გამოაქვეყნა. გამოკითხულთა 70%-ს საქართველოს ამჟამინდელი ურთიერთობა რუსეთთან არ მოსწონს. 23% კი პირიქით ფიქრობს, 6%-მა აღნიშნულ კითხვაზე პასუხი არ იცის, 1% კი პასუხის გაცემაზე უარს აცხადებს.

    თიკო ოსმანოვა
    22.09.2013

     საზოგადოებრივი მაუწყებლის გარშემო ატეხილი აჟიოტაჟი არ წყდება. ჟურნალისტების ეკა კვესიტაძისა და დავით პაიჭაძის გათავისუფლების შემდეგ, საკუთარი ნებით წასვლის შესახებ განცხადება საზოგადოებრივი მაუწყებლის სამეურვეო საბჭოს წევრმა ეკა მაზმიშვილმა დაწერა და შესაბამისი თხოვნით პრეზიდენტს მიმართა.

    თიკო ოსმანოვა
    21.09.2013

     სოხუმში რუსი დიპლომატის დიმიტრი ვიშერნევის მკვლელობაში ეჭვმიტანილის იუსუფ ლაკაევის რუსეთში ექსტრადიციასთან დაკავშირებით რუსული მედიით გავრცელებულ ინფორმაციას ქართული მხარე არ ადასტურებს. მთავარი პროკურატურის საზოგადოებასთან ურთიერთობის სამსახურის უფროსის ხათუნა პაიჭაძის განცხადებით, ლაკაევის ექსტრადიციასთან დაკავშირებით პროკურატურაში რუსეთიდან არანაირი დოკუმენტები არ შესულა.

    თიკო ოსმანოვა
    20.09.2013

     "ჩემი გუნდი აბსოლუტურად სწორად შევარჩიე და ამაში არჩევნებში გამარჯვების შემდეგ უფრო დავრწმუნდი," - ეს განცხადება პრემიერ-მინისტრმა ბიძინა ივანიშვილმა სპორტის სასახლეში, პრეზიდენტობის კანდიდატ გიორგი მარგველაშვილის საარჩევნო პროგრამის პრეზენტაციისას გააკეთა.

    თიკო ოსმანოვა
    19.09.2013

     პრეზიდენტ მიხეილ სააკაშვილის გადაწყვეტილებით, თურქეთის 936 მოქალაქეს საქართველოს მოქალაქეობა მიენიჭა, რასაც "ოცნების" მხრიდან უკმაყოფილება მოჰყვა. ამ კრიტიკას პრეზიდენტი გუშინ გამოეხმაურა და ამის გამო მთავრობის წევრები კიდევ ერთხელ გააკრიტიკა. მისი თქმით, ეს ხალხი უფრო მეტად არის ქართველი, ვიდრე ისინი, ვინც აგვისტოს ომის წამოწყებაში საქართველოს ადანაშაულებს.

    თიკო ოსმანოვა
    18.09.2013

     ტერორიზმის შესახებ ცრუ შეტყობინებაზე მაქსიმალური სასჯელი შეიძლება 3-დან 5 წლამდე გაიზარდოს. ახალი პროექტით, ცრუ შეტყობინება დაისჯება ჯარიმით ან გამოსასწორებელი სამუშაოთი ერთიდან ორ წლამდე ვადით ან ორიდან ხუთ წლამდე თავისუფლების აღკვეთით. თუკი აღნიშნული ქმედება დამამძიმებელ გარემოებებში იქნება ჩადენილი, სანქცია თავისუფლების აღკვეთით ხუთიდან შვიდ წლამდე იქნება განსაზღვრული. ამას ითვალისწინებს სისხლის სამართლის კოდექსში დაგეგმილი ცვლილება, რომლის ინიცირებაც ტერორიზმის შესახებ ცრუ შეტყობინების გახშირებულმა შემთხვევებმა განაპირობა, იტყობინება "ინტერპრესნიუსი".


    Copyright © 2006-2019 by Resonance ltd. . All rights reserved
    ×