ავღანეთისა და პაკისტანის ხელისუფლება საზღვარზე ღამით მომხდარ შეტაკებაში, რამაც ორივე მხარეს მსხვერპლი გამოიწვია, ერთმანეთს ადანაშაულებენ.
თალიბანმა დღეს გავრცელებულ განცხადებაში აღნიშნა, რომ ავღანეთის ხელისუფლება ცდილობდა პაკისტანის ძალები შეეჩერებინათ, რომლებიც საკონტროლო-გამშვები პუნქტის აშენებას ცდილობდნენ პაქტიის პროვინციის ერთ-ერთ რაიონში, საზღვრის მახლობლად, რა დროსაც პაკისტანელმა სამხედროებმა ცეცხლი გახსნეს.
პაკისტანურმა მხარემ კი განაცხადა, რომ სამი ჯარისკაცი დაიღუპა ქვეყნის ჩრდილო-დასავლეთით სამშაბათს ღამით, ავღანეთის საზღვრთან სროლის შედეგად.
მათ თქმით, თავდასხმა სასაზღვრო უსაფრთხოების პუნქტზე კურამში, ხაიბერ-პახტუნხვას პროვინციაში მოხდა.
თალიბანის მთავრობის წარმომადგენლმა განაცხადა, რომ ავღანეთ-პაკისტანის საზღვართან არ შეიძლება სამხედრო ობიექტების აშენება, თუმცა პაკისტანის ძალები პოსტის აშენებას ცდილობდნენ, რა დროსაც ზოგიერთი ადამიანი მათთან სასაუბროდ და საკითხის განსახილველად მივიდა, როცა პაკისტანის ძალებმა მოულოდნელად ცეცხლი გაუხსნეს.