„ქართველ ექიმებს მუდმივი კავშირი აქვთ უცხოელ სპეციალიტებთან. ასევე ჩვენი თანამემაულეები, ექიმები რომლებიც უცხოეთის წამყვან კლინიკებში მოღვაწეობენ, აქტიურად არიან ჩართული პროცესში. ასე რომ, უცხოელი სპეციალისტების მოწვევის აუცილებლობას ვერ ვხედავ, არც მენეჯმენტის კუთხით“, - აცხადებს პარლამენტის ჯანდაცვის კომიტეტის ყოფილი ხელმძღვანელი აკაკი ზოიძე ქვეყანაში შექმნილი ეპიდსიტუაციასთან დაკავშირებით საუბრისას.

გლდანის კარფურში, სადაც ორშაბათს ახალგზარდა ქალი ყოფილმა მეუღლემ ცივი იარაღით დაჭრა, პოლიციელებმა თვითმხილველები დაკითხეს, რომელთა თვალწინაც ეს შემზარავი ფაქტი მოხდა. უწყების წარმომადგენლებმა შიდა და გარე პერიმეტრზე დამონტაჟებული სათვალთვალო კამერების ჩანაწერებიც ამოიღეს. რაც შეეხება ქალს, ის კლინიკიდან უკვე გაწერეს და მის სიცოცხლეს საფრთხე აღარ ემუქრება. 

ოპოზიცია მოლაპარაკების მესამე რაუნდის მოლოდინშია, ამის პარალელურად კი ევვროკავშირის ელჩის მხრიდან ახალი განცხადება ვრცელდება, სადაც ის ოპოზიციას პარლამენტში შესვლისკენ მოუწოდებს. რისი მოლოდინი უნდა ჰქონდეს ოპოზიციას ხელისუფლების მხრიდან და წავა თუ არა ის რაიმე დათმობაზე კვლავ უცნობია. ოპოზიცია ამბობს, რომ ხელისუფლების მხრიდან რამე რეალური შეთავაზება ან წინადადება ჯერ არ ყოფილა, ამიტომაც ფიქრობენ, რომ მესამე რაუნდი უფრო ნაყოფიერი უნდა იყოს. თუმცა, ოპოზიცია მოთხოვნებს თავად არ ცვლის. 

მიკროსაფინანსოზე თავდამსხმელი ლევან ზურაბაშვილი სასამართლომ ორთვიან წინასწარ პატიმრობაში დატოვა. საქალაქო სასამართლოში პროცესი დღეს დასრულდა. პროცესს ესწრებოდა თავად ზურაბაშვილიც. პროკურატურა ლევან ზურაბაშვილისთვის პატიმრობას, ადვოკატები კი მისი აღკვეთი ღონისძიების გარეშე დატოვებას ითხოვდნენ. 

პარასკევს თბილისში მიკროსაფინანსო ორგანიზაციის ფილიალზე თავდასხმის შედეგად საინტერესო სამართლებრივი პრეცედენტი შეიქმნა. დაპატიმრებული თავდამსხმელის, 31 წლის ლევან ზურაბაშვილის წინააღმდეგ გამოძიება საქართველოს სისხლის სამართლის კოდექსის 144-ე მუხლის მე-2 ნაწილის „გ“ ქვეპუნქტით და 236-მუხლის მე-3 და მე-4 ნაწილებით გრძელდება, რაც ორზე მეტი პირის მძევლად ხელში ჩაგდებას და ცეცხლსასროლი იარაღის მართლსაწინააღმდეგო შენახვა-ტარებას გულისხმობს. თუმცა, მისი ადვოკატები საქმის მასალებზე დაყრდნობით აცხადებენ, რომ საქმისათვის სწორი კვალიფიკაციის მისაცემად სერიოზული მუშაობა მოუწევს.

მიკროსაფინანსო ორგანიზაციის შენობიდან 9-ვე მძევალი თავისუფალია.მათი ჯანმთელობის მდგომარეობა დამაკმაყოფილებელია. პოლიციამ რამდენიმე საათიანი მოლაპარაკების შედეგად ყველა მძევლის უსაფრთხოდ გათავისუფლება შეძლო. შეიარაღებული თავდამსხმელი კი  დაკავებულია. 

ბრიტანეთისა და შეერთებული შტატების მეცნიერებმა ის ოთხი მსუბუქი სიმპტომი დაასახელეს, რომელიც შესაძლოა კოვიდ-19-ით ინფიცირებაზე მიანიშნებდეს, სიმპტომებში კი შედის: ტკივილი მუცლის არეში, გულის რევა, მადის დაკარგვა და კონიუქტივიტი.

რუსთავში ახალგაზრდა მამაკაცმა 5 ღამეში 7 ავტომილის გაქურდვა ისე მოახერხა, რომ ვერავინ შეამჩნია. ძარცვა 90-იანი წლების სტილში მოხდა და ავტომობილიდან ძირითადად აკუმულატორებს იპარავდა. როგორც ადგილობრივები „რეზონანსთან“ ყვებიან, მძარცველი კომენდატის საათის დროს  მოქმედებდა და ავტომობილებს ისე ძარცვავდა, რომ პოლიციამაც მისი აღმოჩენა დიდხანს ვერ შეძლო. 

კორონავირუსმა საქართველოში კიდევ ერთი რეკორდი მოხსნა - ბოლო 24 საათში ინფიცირებულთა რაოდენობა 3 697-ით გაიზარდა, რაც თითქმის 200-ით მეტია წინა რეკორდზე, რომელიც 14 ნოემბერს დაფიქსირდა. გარდაცვლილთა დინამიკა ასევე მზარდია, თუმცა ბოლო დღე-ღამეში ანტირეკორდი ამ მხრივ არ მოხსნილა - ლეტალური შემთხვევების რიცხვი 38-ია. რეკორდული მაჩვენებელი, 45 გარდაცვლილი 2-ჯერ დაფიქსირდა - 11 და 17 ნოემბერს.

„სწორად არ მიმაჩნია ის, რომ სასწრაფო დახმარება უნდა აკითხავდეს მხოლოდ იმ პაციენტებს, რომელთა ტემპერატურაც 38.8-ან მეტია, რადგან მაღალი ტემპერატურა არ წარმოადგენს უმთავრეს სიმპტომს. ჩემი აზრით, მთავარი სიმპტომი სუნთქვის უკმარისობაა, განსაკუთრებით ასაკოვან ადამიანებში. შესაძლოა პნევმონიით გარდაცვლილი პაციენტის ტემპერატურამ არ გადააჭარბოს 37.0 გრადუსს", - ასე აფასებს ინფექციონისტი ირაკლი ხმალაძე სასწრაფო სამედიცინო დახმარების ბრიგადების გამოძახებაზე გასვლის ახალ წესს, რომლის მიხედვითაც, კორონავირუსზე ეჭვის შემთხვევაში, ბრიგადის გასვლა ხდება მაშინ, როცა პაციენტს აღენიშნება ტემპერატურა 38,8 ან მეტი, ხოლო ამ ტემპერატურაზე ნაკლების დაფიქსირების შემთხვევაში, მიუხედავად იმისა, რომ მას შეიძლება აღენიშნება სხვა სიმპტომები, სამედიცინო დახმარების ბრიგადა არ გადის გამოძახებაზე.

ქობულეთის მუნიციპალიტეტის სოფელ ხალაში მკვლელობა მოხდა. მოკლულია 30 წლის დავით შარაშიძე, რომლის მკვლელობაშიც მისსავე ბავშვობის მეგობარს და მეზობელს ადანაშაულებენ. ადგილობრივები „რეზონანსთან“ ყვებიან, რომ მამაკაცი მეგობართან საღამოს სტუმრად მივიდა. მას იქ სხვა კიდევ სამი მეზობელი დახვდა.