მორიგი სექსუალური ძალადობა 14 წლის გოგნაზე - კახეთში არასრულწლოვანის გაუპატიურების ფაქტზე გოგონას თანასოფლელი 26 წლის მამაკაცი დააკავეს, რომელიც  მოსამართლემ სათანადო მტკიცებულებების არ ქონის გამო სასამართლო დარბაზიდან გაათავისუფლა. თუმცა, პატიმრობაში რჩება მოზარდის 25 წლის ძმა, რომელმაც დის გაუპატიურების შეტყობის შემდეგ დაზე ფიზიკურად ძალადობდა.  

სამშაბათს კორონავირუსის მაჩვენებელის ნახტომისებური ზრდა დაფიქსირდა, წინა დღესთან შედარებით შემთხვევათა რაოდენობამ თითქმის სამი ასეულით მოიმატა, დაავადებათა კონტროლის ეროვნული ცენტრის ხელმძღვანელის, ამირან გამყრელიძის შეფასებით, ეს მანიშნებელია, იმის, რომ ინფექცია კვლავ ცირკულირებს და ეპიდვითარების გაუარესების რისკი არსებობს. მესამე ტალღის საფრთხეზე საუბრობენ სხვა სპეციალისტებიც.

საქართველოში „ასტრაზენეკათი" ვაქცინირებული ჯანდაცვის მუშაკების რიცხვმა ერთ დღეში 668 შეადგინა. იმუნიზაციის ტექნიკურ მრჩეველთა ეროვნული ჯგუფის ხელმძღვანელმა, ივანე ჩხაიძემ აღნიშნული რიცხვი უარყოფითად შეაფასა და აღნიშნა, რომ თუ ვაქცინაციის პროცესში მედ-პერსონალის ჩართვა უახლოეს დღეებში არ გააქტიურდება, სამიზნე მაჩვენებელს ვერ მივაღწევთ. პარალელურად ევროპის სხვადასხვა ქვეყნებში „ასტრაზენეკათი" ვაქცინაცია, გამოვლენილი გვერდითი მოვლენების გამო, დროებით შეჩერებულია, თუმცა ჯანდაცვის მსოფლიო ორგანიზაციას ვაქცინის ეფექტურობაში ეჭვი არ შეაქვს.

მონობის 5 წელი ნინოწმინდაში - პოლიციამ ადგილობრივი მამა-შვილი დააკავა, რომელთაც ბრალად ედებათ საკუთარ ფერმაში სომხეთის მოქალაქეების მოტყუებით ჩაყვანა, მათთვის საბუთების ჩამორთმევა და მუშაობის იძულება. ადგილობრივი მცხოვრებლები გამოძიების ამ ვერსიას არ ეთანხმებიან.

სასტიკი მკვლელობა კასპში - 33 წლის ნოდარ ღუნაშვილი სასაფლაოზე აიყვანეს, დანით დასერეს და ადგილზე მომაკვდავი დატოვეს. მამაკაცის მკვლლეობაში მისივე მეზობელი და ბავშვობის  მეგობარი 30 წლის მამაკაცია. 

„რეზონანსს“ ადგილობრივები უყვებიან, რომ განზრახ მკვლლეობის მუხლით ზურაბ კახნიაშვილია დაკავებული. გამოძიების ინფორმაციით, მამაკაცმა ეს სასტიკი დანაშაული პირადი ანგარიშსწორების მიზნით ჩაიდინა და სასიკვდილო ჭრილობები ღუნაშვილს დანით მიაყენა. პოლიციამ კი დანაშაულის იარაღი ბრალდებულის  სახლიდან ჩხრეკის დროს ამოიღო. 

მწერალი და მსახიობი გივი სიხარულიძე ქართველ ჩოგბურთელს ნიკოლოზ ბასილაშვილს დოჰას ტურნირზე გამარჯვებას ულოცავს და ამბობს, რომ ეს არის იმ დონის გამარჯვება, „ქართველებს პელეს გუნდისთვის რომ მოეგოთ“. 

მოზარდზე სექსუალური ძალადობის კიდევ ერთი უმძიმესი ფაქტი - ოზურგეთში 11 წლის გოგონაზე 30 წლის მამინაცვალი სექსუალურად ძალადობდა და ამის შესახებ ბავშვმა პოლციას თავად აცნობა. როგორც „რეზონანსს“ ადგილობრივები უყვებიან, გოგონამ პოლიციაში დარეკა და შველა ითხოვა. მამინაცვალი გოგონას დედაზე 7 წლის წინ დაქორწინდა და გოგონა მაშინ 4 წლის იყო.

სასტიკი დანაშაული გორში - 56 წლის ტაქსის მძღოლი კისრის არეში 17 წლის არასრუწლოვანმა დაჭრა. როგორც ადგილობრივები „რეზონანსს“ უყვებიან, მამაკაცმა საავადმყოფოში მისვლა თავადვე შეძლო. 

დაავადებათა კონტროლის ცენტრის ინფორმაციით, საქართველოში პირბადის ტარების პროცენტული მაჩვენებელი საგრძნობლად შემცირდა, რამაც, შეზღუდვების მოხსნის ფონზე, ეპიდსიტუაცია შესაძლოა საგრძნობლად გააუარესოს. სპეციალისტები პარალელს ავლებენ შარშანდელ მოვლენებთან, როდესაც ზაფხულში ქვეყნის მოსახლეობის ანალოგიური „მოდუნებიდან" 3 თვეში ეპიდემიის კატასტროფული აფეთქება მივიღეთ.

უმძიმესი ფაქტი კახეთში - გურჯაანში მშობლების კონფლიქტის დროს 8 თვის ბავშვი გარდაიცვალა. ტრაგიკული შემთხვევა ორშაბათს გვიან ღამით მოხდა. „რეზონანსთან“ ადგილობრივები ყვებიან, რომ ეს ცოლ-ქმარს შორის ჩხუბის პირველი შემთხვევა არ არის და ეს ახალგაზრდა წყვილი მეზობლებს სხვა დროს არა ერთხელ გაუშველებიათ. 

სასტიკი მკვლელობა კახეთში - 27 წლის მამაკაცმა საკუთარი პისტოლეტიდან დედა, მამა და ბებია დახოცა. ეს საზარელი დანაშაული თელავში 7 მარტს  დღის ხუთი საათისთვის მოხდა. მეზობლები „რეზონანსთან“ ჰყვებიან, რომ ახალგაზრდა ყოფილი სამხედროა, რომელიც ბოლო დროს სახლში ჩაიკეტა და მძიმე დეპრესიულ მდგომარეობაში იმყოფებოდა. მათი ინფორმაციით, ახალგაზრდა უსამსახურობას მძიმედ განიცდიდა და ბოლო დროს მეზობლებთანაც აღარ კონტაქტობდა. 

ოფიციალური ინფორმაციით, საქართველოში ამ დროისთვის კორონავირუსის ბრიტანული შტამის 31 შემთხვევაა დადასტურებული, რომელიც კი სამ ე.წ. კლასტერს უკავშირდება,  არის თუ არა კორონავირუსის შედარებით სწრაფად გავრცელებადი შტამის ეს რაოდენობა ქვყანაში განგაშის საფუძველი?