ირანის უმაღლესი ეროვნული უსაფრთხოების საბჭოს მდივნის, მოჰსენ რეზაის განცხადებით, ისლამური რევოლუციის გუშაგთა კორპუსის ლიდერის მიერ სამხედრო მეთაურების დროულმა დანიშვნებმა მტრის გათვლები სრულად ჩაშალა.
მედიის ინფორმაციით, ისლამური რევოლუციის ლიდერის, აიათოლა სეიედ მოჯთაბა ჰოსეინი ხამენეის სახელზე გაგზავნილ წერილში რეზაიმ აღნიშნა, რომ ეს გადაწყვეტილება ხაზს უსვამს ირანის ისლამური რესპუბლიკის მტკიცე ერთგულებას იმ პოლიტიკისადმი, რომელიც ქვეყანაში 1979 წლის რევოლუციის შემდეგ დამკვიდრდა.
წერილის თანახმად, გენერალური შტაბისა და ისლამური რევოლუციის გვარდიის კორპუსის ექვსი მაღალი რანგის მეთაურის დანიშვნამ განსაკუთრებით შეარყია აშშ-სა და ისრაელის ხელმძღვანელობის გეგმები.
უშიშროების საბჭოს ახალმა ხელმძღვანელმა დანიშნულ პირებს წარმატება მიულოცა და გამოთქვა იმედი, რომ ისინი მტკიცედ დაუპირისპირდებიან ირანის წინააღმდეგ მიმართულ შესაძლო აგრესიას.
როგორც მედია წერს, გასულ კვირას გავრცელებული ბრძანებებით, აიათოლა ხამენეიმ შეიარაღებული ძალების გენერალური შტაბის უფროსად გენერალ-მაიორი ალი აბდოლაჰი, ხოლო მის მოადგილედ ბრიგადის გენერალი კიუმარს ჰეიდარი დანიშნა.
IRGC-ის მთავარსარდლად გენერალ-მაიორი აჰმად ვაჰიდი, ხოლო მის მოადგილედ გენერალ-მაიორი მოსტაფა იზადი დასახელდა.
ამასთანავე, სამხედრო-საზღვაო ძალების სარდლად კონტრ-ადმირალი ალი ოზამაი, ხოლო ბასიჯის ძალების ხელმძღვანელად ჰოსეინ თაები დაინიშნენ.