შავი ზღვის პორტებზე თავდასხმებისა და უკრაინაში მიმდინარე ომის ფონზე ხორბლის ფასი ივლისის დასაწყისიდან 20%-ით გაიზარდა და 2024 წლის მარტის შემდეგ ყველაზე მაღალ ნიშნულს მიაღწია.

ამის შესახებ გაერო-ს პოლიტიკურ საქმეთა და სამშვიდობო ოპერაციების დეპარტამენტის დირექტორმა, კაიოკო გოტომ განაცხადა.

კაიოკო გოტომ ბრიფინგზე ასევე ისაუბრა იმაზე, რომ 9 ივლისს მის მიერ ჩატარებული ბრიფინგზის შემდეგ უკრაინაში საჰაერო თავდასხმების დროს დაახლოებით 170 მშვიდობიანი მოქალაქე დაიღუპა და 1000-ზე მეტი დაშავდა.

გაერო-ში განმარტავენ, რომ დაზიანდა საცხოვრებელი კორპუსები, ბაზრები და საწყობები, მათ შორის სლოვიანსკსა და სუმიში.

გაერო-ში ასევე აცხადებენ, რომ 2026 წლის პირველ ნახევარში რუსეთში 1 800-ზე მეტი მშვიდობიანი მოქალაქე დაიღუპა, რაც წინა წლის იმავე პერიოდთან შედარებით 121%-ით მეტია.

გაერთიანებული ერების ორგანიზაციაში განსაკუთრებული შეშფოთება გამოთქვეს შავი ზღვის პორტების მიმართ განახლებულ თავდასხმებზე.

განცხადებაში აღნიშნულია, რომ ერთ-ერთ ინციდენტში, გვინეა-ბისაუს დროშით მცურავ ხორბლის გემზე სარაკეტო დარტყმის შედეგად ათი ადამიანი დაიღუპა, ხოლო ტოგოს დროშით მცურავ გემზე თავდასხმას ხუთი ადამიანის სიცოცხლე ემსხვერპლა. ამასთან, მიმდინარე თვეში აზოვის ზღვაში 100-ზე მეტ გემზე დაფიქსირდა თავდასხმა.