ნინო ჯღარკავა სოციალურ ქსელში თბილისის საუნივერსიტეტო კლინიკას მწვავედ აკრიტიკებს. ჯღარკავა, რომელიც "ქართული ოცნების" ლიდერებთან დაახლოებული პირია, ამტკიცებს, რომ მისი ნათესავი კლინიკაში არასათანადო პირობებში მკურნალობდა, პაციენტებს სათანადოდ არ უვლიდნენ, ხოლო გარდაცვალების შემდეგ ოჯახის წევრებს თანხის გადახდას დაჟინებით სთხოვდნენ.

"როცა ადამიანებს და ურთიერთობებს პატივს სცემ, უფრთხილდები, რაც სათქმელია იმ წამს არ ეტყვი და არ დაახურავ თავზე, მერე გაჯეჯილდებიან და თავზე გასკლინტავენ. ერთი სიტყვა აქამდე არ მითქვამს საუნივერსიტეტო კლინიკაზე, ლევან რატიანის ხათრით, ერთი სიტყვა... რადგან არ მოგასვენათ გამჩენმა, ახლა მიიღებთ იმას, რაც დაიმსახურეთ. 

მოკლედ დავწერ მთელ ისტორიას. ჩემი ძმის სიდედრი იწვა ამ კლინიკაში, ჰქონდა რთული მდგომარეობა, რადგან ლევან რატიანს ვიცნობდი და პატივს ვცემდი, დავურეკე და ვთხოვე მასთან დაგვეწვინა. დააწვინეს ინტენსიურ განყოფილებააში ვინმე მაგდა რურუას მეთვალყურეობის ქვეშ. იყო სრული მოუვლელობა, ქალს დღეში ერთხელაც არ უცვლიდნენ სისხლიან თეთრეულს, წამლებს და სველ "სალფეთქებს" ჩემი რძალი ეზიდებოდა ყოველ დღე. გვერდით ვიღაც ქალი იწვა, საწყალი გარდაიცვალა და ეს მიცვალებული ნახევარი დღე ავადმყოფების გვერდით იწვა, სანამ ჩემი ძმის სიდედრმა არ იკივილა მოხედეთო! ამ მდგომარეობის გამო გადავწყვიტეთ სახლში წამოგვეყვანა, მაგრამ არ დასრულებულა მკურნალობაო და თუ წაიყვანთ, მერე ერთი თვე დაფინანსება აღარ გექნებათო. ჩემმა რძალმა ხელი მოაწერა და მაინც წამოიყვანა. 

ორ დღეში დამძიმდა და ისევ რატიანს დავურეკე, რეანიმაციაში ავიყვანო და აიყვანა. 10 დღე იწვა, ბოლო 5 დღე უკვე აპარატზე იყო შეერთებული, მაინც გვაზიდინეს წამლები და ქალი გარდაიცვალა. ჯანდაცვამ ვერ დააფინანსა, ვერც მერიის კომისიამ და კახა კალაძემ თავისი პირადი ფონდიდან გამოყო 9 ათასი ლარი, რომელიც გუშინ გადაირიცხა. დღეს რატიანის კლინიკის მენეჯერი ურეკავს ჩემს რძალს გონორით, ფული რატომ არ ჩარიცხეთო. აი, აქ უკვე ამომასხა, საკადრისი პასუხი გავეცი ვიღაც მენეჯერ ნინოს და აგერ ვდებ გადარიცხვის ქვითარს, რახან არც ჭირისუფალს სცეს პატივი, არც არავისთან ურთიერთობას, აგერ მიიღეს პასუხი. ესაა სრული სიმართლე და ის რაც ჩემი თვალით ვნახე! 

წარმომიდგენია, სხვებს ვისაც ნაცნობი არ ჰყავს, როგორ მოექცევიან! მაგარი პატივი მცეს! კახა კალაძეს კი ჩემი მადლიერება. რომ არა კახა, ამ თანხის გამო ჯვარს გვაცვამდნენ. იქნებ რატიანის კლინიკის მენეჯერმა აქაც ნახოს ეს გადარიცხვის ფურცელი, დაოკდეს და არ გაბედოს ჭირისუფლებთან ისტერიული რეკვა", - წერს ჯღარკავა.

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე