ეუთო იყო ერთ-ერთი ბოლო ბასტიონი, სადაც არ ვრცელდებოდა გლობალური ომის პარტიის გავლენები, მაგრამ, როგორც ჩანს, ისიც დაეცა, - განაცხადა იურიდიულ საკითხთა საპარლამენტო კომიტეტის თავმჯდომარე არჩილ გორდულაძემ.
მისი თქმით, ქართულ საზოგადოებას იმიტომ ესხმიან თავს, რომ საქართველო გლობალური ომის პარტიის დავალებებს არ ასრულებს.
„ეუთოს რეზოლუციებსაც იგივე ფასი აქვს, რაც ევროპარლამენტის თუ ევროსაბჭოს საპარლამენტო ასამბლეის რეზოლუციებს, იმ ფურცლის ფასი, რომელზეც რეზოლუციები იბეჭდება. ბუნებაში არ არსებობს საფუძველი, არ არსებობს სამართლებრივი თუ პოლიტიკური არგუმენტი, რატომაც შეიძლება თავს ესხმოდნენ ქართულ საზოგადოებას, გარდა ერთისა, რომ საქართველო არ ასრულებს გლობალური ომის პარტიის დავალებებს“, - აცხადებს გორდულაძე.