ჰორმუზის შემდეგ შესაძლოა, კიდევ ერთი სრუტე დაიხუროს - სუეცის არხის სამხრეთ შესასვლელი ჰუსიტების სამიზნე გახდაჰორმუზის შემდეგ შესაძლოა, კიდევ ერთი სრუტე დაიხუროს - სუეცის არხის სამხრეთ შესასვლელი ჰუსიტების სამიზნე გახდა

ჰორმუზის სრუტის შემდეგ შესაძლოა, კიდევ ერთი არხი დაიხუროს. საუბარია ბაბ-ელ-მანდების სრუტეზე, რომლის გადაკეტვით ჰუსიტები უკვე იმუქრებიან - როგორც Report-ი იტყობინება, ამის შესახებ ირანული სააგენტო Fars-ი წერს.

როგორც ჰუსიტების პოლიტიკური ბიუროს წევრმა, მუჰამედ ალ-ფარხმა განაცხადა, „ბაბ-ელ-მანდები ჰორმუზის სრუტესთან გაერთიანდება და ნავთობის ფასი 200 დოლარს მიაღწევს“.

ბაბ ელ-მანდების სრუტე იმ 8 კრიტიკულ არტერიას შორისაა, რომელთა გავლით მსოფლიოს ნავთობის მიეწოდება. ბაბ ელ-მანდების სრუტე არაბეთის ნახევარკუნძულის სამხრეთ-დასავლეთ კიდეს, ანუ იემენსა და ჩრდილო-აღმოსავლეთ აფრიკას, ანუ ჯიბუტსა და ერიტრეას შორის მდებარეობს. ის ადენის ყურეს წითელ ზღვასთან აკავშირებს. მისი სიგრძე, დაახლოებით, 115 კმ, სიგანე 26-32 კმ, ხოლო საშუალო სიღრმე 150 მეტრია. მასზე ნავთობის მთლიანი საზღვაო გადაზიდვების, დაახლოებით, 12%, ხოლო მსოფლიოში თხევადი ბუნებრივი აირის ტრანსპორტირების 8% მოდის. 1869 წლიდან სრუტე ასრულებს სამხრეთ კარიბჭის ფუნქციას სუეცის არხისთვის, რომელზეც, თავის მხრივ, გლობალური საზღვაო ვაჭრობის 12%-მდე და მსოფლიო კონტეინერმზიდების, დაახლოებით, 30% გადის.

სრუტე იემენის ტერიტორიულ წყლებში მდებარეობს. მარტის შუა რიცხვებში იემენის სამხედრო მეთაური, აბედ ალ-თავრი აცხადებდა, რომ აშშ-ისა და ისრაელისთვის ბაბ ელ-მანდების სრუტის ჩაკეტვა ჰუსიტებს ირანის მხარეს ომში ჩართვით შეუძლიათ. მისი თქმით, ბლოკადაში როგორც სავაჭრო, ასევე, სამხედრო გემები, მათ შორის, ავიამზიდები მოექცევა, რომლებიც აშშ-ის ან ისრაელის ტერიტორიისკენ მიემართებიან.