„თბილისი აუთლეტ ვილიჯი“ ევროპული სტანდარტებით შექმნილი პირველი აუთლეტია კავკასიის რეგიონში. ეს სივრცე ისე დაიგეგმა, რომ ადამიანებმა შოპინგის პარალელურად დასვენებაც შეძლონ. ამ მიზნით, ღია ცის ქვეშ მოწყობილი ტერიტორია ბრენდულ მაღაზიებთან ერთად მყუდრო კაფე-რესტორნებსა და გასართობ კუთხეებს მოიცავს. 

პირველ ეტაპზე, 12 500 კვ.მ ფართობზე გადაჭიმულ ტერიტორიაზე 40-ზე მეტი მაღაზიაა გახსნილი. ბრენდების მიერ წარმოდგენილი კოლექციები ნებისმიერი ადამიანის გემოვნებასა და სტილს მოერგება. მაგალითად, სპორტული სტილის მოყვარულები Nike, Adidas და Puma-ს მაღაზიებში, ყოველდღიური სამოსის მსურველები – Tommy Hilfiger, Calvin Klein, Lacoste და Levi’s-ში, ხოლო პრემიუმ ხაზით დაინტერესებულები – Zadig & Voltaire, Furla და Pollini-ს სივრცეებში შეძლებენ სასურველი სამოსის შერჩევას. 

პროექტის უნიკალურ კონცეფციაზე ესპანურმა სტუდიამ L35, ქართველ არქიტექტორ დოდოშკა ჩუბინიძესთან ერთად იმუშავა. მაღაზიები ერთმანეთისგან მყუდრო ქუჩებითა და ეზოებითაა გამოყოფილი, რაც პატარა, ტრადიციული დასახლების შთაბეჭდილებას ტოვებს. შენობების ფასადები ძველი თბილისის ნაცნობ ესთეტიკას ინარჩუნებს, რაც თანამედროვე არქიტექტურასთან ერთად სრულიად განსაკუთრებულ გარემოს ქმნის. 

აუთლეტში სტუმრებს გემრიელად წახემსება და განტვირთვაც შეეძლებათ. მათ როგორც ქართული, ისე ევროპული კერძების დაგემოვნების მრავალფეროვანი არჩევანი აქვთ, გასტრონომიული მიმართულება კი მომავალში კიდევ უფრო გაფართოვდება. 

წლის განმავლობაში „თბილისი აუთლეტ ვილიჯი“ ცოცხალი მუსიკის საღამოებს, საგანგებო შოპინგ-დღეებსა და გასტრონომიულ ფესტივალებს მასპინძლობს. სამომავლოდ ტერიტორიას პატარებისთვის სათამაშო და გასართობი კუთხეც დაემატება. 

ვილიჯი ორშაბათიდან პარასკევის ჩათვლით 11:00-დან 20:00 საათამდე მუშაობს, ხოლო შაბათსა და კვირას სტუმრებს 11:00-დან 21:00 საათამდე მასპინძლობს.

ამრიგად, მრავალფეროვანი ბრენდების, მყუდრო რესტორნებისა და საინტერესო ღონისძიებების ერთ სივრცეში არსებობის შედეგად, „თბილისი აუთლეტ ვილიჯი“ შოპინგის, დასვენებისა და განტვირთვისთვის იდეალური ადგილია.