ვენესუელაში მიწისძვრის შედეგად 1 000-მდე ადამიანი დაიღუპა, 10 000 დაკარგულად ითვლება, თითქმის 7 მილიონი კი დაზარალდა | ინფორმაციას გაერო ავრცელებს და წერს, რომ მონაცემები მოსახლეობის შესახებ არსებულ მონაცემებსა და ზიანის შეფასების ანალიზს ეფუძნება. მათივე ცნობით, ვენესუელაში სამაშველო ოპერაციებისთვის მსოფლიოს სხვადასხვა ქვეყნიდან 1 600-ზე მეტი მაშველი ჩავიდა.

„მომდევნო 24 საათის განმავლობაში დამატებით 25 ავიარეისს ველოდებით. ვაფასებთ საერთაშორისო საზოგადოების მხარდაჭერასა და სოლიდარობას ვენესუელელებისთვის ამ რთულ პერიოდში“ - განაცხადა ვენესუელის ევროპისა და ჩრდილოეთ ამერიკის საკითხებში ვიცე-მინისტრმა, ოლივერ ბლანკომ

ორგანიზაციის ინფორმაციით, სამაშველო ოპერაციებში უკვე ჩაერთნენ ჯგუფები მექსიკიდან, შეერთებული შტატებიდან, ელ-სალვადორიდან, შვეიცარიიდან, კოლუმბიიდან და ესპანეთიდან.

25 ივნისს ვენესუელაში ერთ წუთზე ნაკლებ დროში 7.2 და 7.5 მაგნიტუდის სიმძლავრის ორი მიწისძვრა მოხდა