მიხეილ ყაველაშვილმა საკუთარი ქონებრივი მდგომარეობის შესახებ დეკლარაცია გასული წლის მიწურულს, 31 დეკემბერს წარადგინა. აღნიშნული დოკუმენტის მიხედვით, მის სახელზე საცხოვრებელი სახლიც კი არ ფიქსირდება.

უფრო კონკრეტულად, როგორ ოფიციალურ ქონებრივ დეკლარაციაში აქვს აღნიშნული, მიხეილ ყაველაშვილს ეკუთვნის მხოლოდ ავტოფარეხი თბილისში, რომელიც 2007 წელს 22 000 აშშ დოლარად აქვს შეძენილი.

სხვა უძრავ-მოძრავი ქონება მისი ოჯახის სახელზე არ ფიქსირდება. მხოლოდ ცნობილია ის, რომ მისი მეუღლე თამარ ბაგრატიონი შპს "გეომაკის" 40%-იანი წილის მფლობელი იყო, თუმცა დოკუმენტში აღნიშნულია, რომ კომპანია დაიხურა.

რაც შეეხება ფინანსურ მდგომარეობას, დეკლარაციის მიხედვით, მიხელ ყაველაშვილი დოკუმენტის შევსების მომენტში სხვადასხვა საბანკო ანგარიშზე ფლობდა:

სახელფასოზე - 6 434 ლარს;

საკრედიტოზე - 3 774 ლარს;

სესხის მომსახურე ანგარიშზე - 47 637 ლარს.

ამასთან, ქონებრივი დეკლარაციის მიხედვით, 2024 წელს 11 თვეში, მიხელ ყაველაშვილს პარლამენტში, დეპუტატის სტატუსით, 40 009 ლარის ხელფასი აქვს აღებული.

როგორც დოკუმენტშია მითითებული, მიხელ ყაველაშვილს აქვს „ქართუ ბანკის“ სამომხმარებლო სესხი 56 410 ლარის ოდენობით, რომლის მომსახურებისთვის , 2024 წელს 10 001 ლარი აქვს გადახდილი.

ბიზნესპრესნიუსი