მართალია, „ეკონომიკის განვითარების ბანკი“ აუცილებლად შეიქმნება, თუმცა ჯერ კიდევ არ ვიცით, როდის. არადა, ირანსა და ახლო აღმოსავლეთში შექმნილი საომარი ვითარების გამო, ყოველდღიურად იძაბება სიტუაცია, რაც ეკონომიკურ განვითარებაზე ნეგატიურ გავლენას ახდენს. ასეთ ტურბულენტურ პირობებში, ინვესტორებსა და მეწარმეებს, ცხადია, ფინანსურ რესურსებზე ხელმისაწვადომობა  სჭირდებათ. სპეციალისტები პოზიტიურად აფასებენ მთავრობის გადაწყვეტილებას „ეკონომიკის განვითარების ბანკის“ შექმნასთან დაკავშირებით, თუმცა ვარაუდობენ, რომ ორი სტრუქტურის გაერთიანებას გარკვეული დრო სჭირდება.