თბი­ლი­სის პრო­კუ­რა­ტუ­რამ ნიკო კვა­რა­ცხე­ლი­ას მკვლე­ლო­ბის საქ­მე გახ­სნი­ლად გა­მო­ა­ცხა­და. ბრალ­დე­ბის მხა­რის მტკი­ცე­ბით, 22 წლის ტექ­ნო­ლო­გი­უ­რი სტარ­ტა­პე­რის სი­ცო­ცხლე 25 წლის წინ მოს­კოვ­ში მომ­ხდარ კრი­მი­ნა­ლურ გარ­ჩე­ვას შე­ე­წი­რა. ერთ-ერთი ვერ­სი­ით, ეს არის ამ­ბა­ვი ორ გავ­ლე­ნი­ან "კა­ნო­ნი­ერ ქურ­დს" შო­რის არ­სე­ბულ მტრო­ბა­ზე, რო­მე­ლიც მა­მებ­მა და­ი­წყეს და ერთ-ერთი "ქურ­დის" შვი­ლებ­მა გა­აგ­რძე­ლეს.

და­ვით კა­კუ­ლია კრი­მი­ნა­ლურ სამ­ყა­რო­ში ერთ-ერთ გავ­ლე­ნი­ან ფი­გუ­რად ით­ვლე­ბო­და. იგი 1963 წელს თბი­ლის­ში და­ი­ბა­და და მისი ცხოვ­რე­ბის გზა ად­რე­ულ ასაკ­ში­ვე და­უ­კავ­შირ­და ქურ­დულ ტრა­დი­ცი­ებს.

კა­კუ­ლია "კა­ნო­ნი­ერ ქურ­დად" 1991 წელს, 28 წლის ასაკ­ში "აკურ­თხეს". მისი "ნათ­ლი­ე­ბი" იმ დრო­ის კრი­მი­ნა­ლუ­რი „ელი­ტის“ წარ­მო­მად­გენ­ლე­ბი იყ­ვნენ: ავ­თან­დილ ჩიხ­ლა­ძე („კვე­ჟო“), რო­ბერტ კა­ლან­და­ძე („რო­ბერ­ტა“), ნო­დარ ფა­რი­ზი­ა­ნი („ნონო“) და პა­ა­ტა ჩლა­ი­ძე („პა­ა­ტა ბალ­შოი“).

1993 წელს იგი მოს­კოვ­ში, სას­ტუმ­რო "მოს­კოვ­ში“ აიყ­ვა­ნეს ცხრა­კა­ცი­ან დაჯ­გუ­ფე­ბას­თან ერ­თად, სა­დაც კრი­მი­ნა­ლუ­რი სამ­ყა­როს სხვა „ვარ­სკვლა­ვე­ბიც“ ფი­გუ­რი­რებ­დნენ. საქ­მე ეხე­ბო­და მსხვი­ლი ბიზ­ნეს­მე­ნე­ბის გა­ტა­ცე­ბა­სა და წი­ლე­ბის გა­მო­ძალ­ვას. ეს იყო პე­რი­ო­დი, როცა ქარ­თუ­ლი კრი­მი­ნა­ლუ­რი კლა­ნე­ბი მოს­კო­ვის ცენ­ტრს სრუ­ლად აკონ­ტრო­ლებ­დნენ. სწო­რედ აქე­დან და­ი­წყო მისი სე­რი­ო­ზუ­ლი კონ­ფლიქ­ტე­ბი სხვა კლა­ნებ­თან, მათ შო­რის იმათ­თან, ვინც მოგ­ვი­ა­ნე­ბით „სო­ხუ­მის კლა­ნად“ ჩა­მო­ყა­ლიბ­და. კა­კუ­ლი­ამ სას­ჯე­ლი არა­ერ­თხელ მო­ი­ხა­და რო­გორც რუ­სე­თის, ისე სა­ქარ­თვე­ლოს ცი­ხე­ებ­ში. 2001 წელს მან თბი­ლი­სის ე.წ. „რეს­ბალ­ნი­ცა“ და­ტო­ვა და მოს­კოვ­ში გა­ემ­გზავ­რა, სა­დაც მისი ცხოვ­რე­ბის უკა­ნას­კნე­ლი დრა­მა გა­თა­მაშ­და.

2001 წლის 25 აგ­ვის­ტოს, დღის პირ­ველ სა­ათ­ზე, მოს­კოვ­ში, ვუ­ჩე­ტი­ჩის ქუ­ჩა­ზე, და­ვით კა­კუ­ლი­ას ავ­ტო­მო­ბილ­ში ხელ­ნა­კე­თი ყუმ­ბა­რა შე­უგ­დეს. აფეთ­ქე­ბა იმ­დე­ნად ძლი­ე­რი იყო, რომ „დათო თბი­ლის­კიმ“ სი­ცო­ცხლის­თვის შე­უ­თავ­სე­ბე­ლი და­ზი­ა­ნე­ბე­ბი მი­ი­ღო.

რუ­სუ­ლი სა­გა­მო­ძი­ე­ბო სა­ი­ტე­ბი წერ­დნენ, რომ და­პი­რის­პი­რე­ბა ეხე­ბო­და მოს­კო­ვი­სა და უკ­რა­ი­ნის ბიზ­ნეს-ობი­ექ­ტე­ბის კონ­ტროლს. გია კვა­რა­ცხე­ლია უფრო „დიპ­ლო­მა­ტი­ურ“ და ფი­ნან­სურ სქე­მებ­ზე ორი­ენ­ტი­რე­ბულ ჯგუფს წარ­მო­ად­გენ­და, კა­კუ­ლია კი – ძა­ლის­მი­ერ ფრთას. მათ შო­რის მოხ­და "ქურ­დუ­ლი შეკ­რე­ბა", სა­დაც კა­კუ­ლი­ამ კვა­რა­ცხე­ლი­ას პრე­ტენ­ზი­ე­ბი წა­უ­ყე­ნა, რა­მაც სი­ტუ­ა­ცია გა­მო­უ­ვალ მდგო­მა­რე­ო­ბამ­დე მი­იყ­ვა­ნა.

ასა­ფეთ­ქე­ბე­ლი მო­წყო­ბი­ლო­ბა და­ტე­ნი­ლი იყო 200 გრა­მი ტრო­ტი­ლი­თა (TNT) და ლურ­სმნე­ბით, რაც მაქ­სი­მა­ლურ გა­მა­ნად­გუ­რე­ბელ ეფექტს იწ­ვევ­და. კა­კუ­ლი­ას სახე და თვა­ლე­ბი და­ეწ­ვა, მი­ი­ღო კი­დუ­რე­ბის მრავ­ლო­ბი­თი მო­ტე­ხი­ლო­ბა და ში­ნა­გა­ნი ორ­გა­ნო­ე­ბის და­ზი­ა­ნე­ბა. იგი მე­ო­რე დღეს, გონს მო­უს­ვლე­ლად გარ­და­იც­ვა­ლა.

სა­ინ­ტე­რე­სოა, რომ კა­კუ­ლი­ას ბი­ნის ჩხრე­კი­სას სა­მარ­თალ­დამ­ცვე­ლებ­მა კი­დევ ერთი ანა­ლო­გი­უ­რი ასა­ფეთ­ქე­ბე­ლი მო­წყო­ბი­ლო­ბა იპო­ვეს. ეს მი­ა­ნიშ­ნებ­და, რომ კრი­მი­ნა­ლუ­რი ომი უკვე და­წყე­ბუ­ლი იყო და კა­კუ­ლია თა­ვა­დაც ემ­ზა­დე­ბო­და თავ­დას­ხმის­თვის, თუმ­ცა მო­წი­ნა­აღ­მდე­გემ და­ას­წრო.

ამ მკვლე­ლო­ბის უკან კრი­მი­ნა­ლურ წრე­ებ­ში მა­შინ­ვე გაჟ­ღერ­და გია კვა­რა­ცხე­ლი­ას სა­ხე­ლი. გია კვა­რა­ცხე­ლია და დათო კა­კუ­ლია ორი­ვე წა­ლენ­ჯი­ხი­დან იყ­ვნენ. კვა­რა­ცხე­ლია, რო­მელ­საც ორი უმაღ­ლე­სი გა­ნათ­ლე­ბა ჰქონ­და, გან­სა­კუთ­რე­ბუ­ლი გავ­ლე­ნით სარ­გებ­ლობ­და.

მი­უ­ხე­და­ვად იმი­სა, რომ გია კვა­რა­ცხე­ლია 2003 წლი­დან ევ­რო­პა­ში ცხოვ­რობ­და და შვი­ლი, ნიკო, ყვე­ლა­ნა­ი­რად მო­ა­რი­და ქურ­დულ სამ­ყა­როს, კა­კუ­ლი­ე­ბის ოჯა­ხის­თვის მა­მის სიკ­ვდი­ლი და­უმ­თავ­რე­ბელ ვენ­დე­ტად დარ­ჩა. რო­გორც ანო­ნი­მუ­რი წყა­რო­ე­ბი ჰყვე­ბი­ან, კა­კუ­ლი­ე­ბი წლე­ბის გან­მავ­ლო­ბა­ში მი­იჩ­ნევ­დნენ, რომ და­ვით კა­კუ­ლი­ას მკვლე­ლო­ბის დამ­კვე­თი სწო­რედ გია კვა­რა­ცხე­ლია იყო.

პრო­კუ­რა­ტუ­რის ვერ­სი­ით, ძმებ­მა გუ­რამ და და­ვით კა­კუ­ლი­ებ­მა, რომ­ლებ­მაც მამა ბავ­შვო­ბა­ში და­კარ­გეს, შუ­რის­ძი­ე­ბა 20 წლის შემ­დეგ აღას­რუ­ლეს. ვი­ნა­ი­დან ისი­ნი გია კვა­რა­ცხე­ლი­ას ვერ სწვდე­ბოდ­ნენ, სა­მიზ­ნედ მისი შვი­ლი, 22 წლის ნიკო აირ­ჩი­ეს.

წყარო: ambebi.ge

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე